Charter Document - 07230315
| Charter Number: | 07230315 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1282 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis ad quos presentes littere peruenerint Robertus de Ros miles dominus de Bennerre salutem in Domino sempiternam Sciant presentes et futuri me pro salute anime mee et animarum antecessorum et successorum meorum concessisse et presenti carta mea confirmasse deo et ecclesie Sancti Thome martiris de Aberbrothoc et monachis ibidem Deo seruientibus et inperpetuum Deo seruituris donationem illam quam Hugo Blundus dominus de Abirbuthenoth eis fecit de ecclesia de Garuoch cum vna bouata terre ad dictam ecclesiam pertinente Tenendum et habendum dictis religiosis in puram et perpetuam elemosinam ita libere quiete plenaria et honorifice sicut carta predicti Hugonis inde confecta melius et plenius testatur In cuius rei testimonium presentibus sigillum meum apposui