Charter Document - 07230314
| Charter Number: | 07230314 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1282 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris uel audituris Hugo Blundus dominus de Abirbuthenoth eternam in Domino salutem Nouerit vniuersitas uestra me pro salute anime mee et animarum antecessorum et successorum meorum dedisse et concessisse et hac presenti carta mea confirmasse Deo et ecclesie Sancti Thome martiris de Arbroth et monachis ibidem Deo seruientibus et in perpetuum Deo seruituris in puram et perpetuam elemosinam vnam bouatam terre in qua sita est ecclesia de Garuoch cum jure patronatus eiusdem ecclesie et cum communi pastura ad centum oues quatuor equos decem boues uiginti vaccas et vnum taurum [cum] focali et omnibus aliis aisiamentis cum hominibus meis manentibus in terra mea de Garuoch tam dictis religiosis quam hominibus eorum in dicta bouata terre manentibus quantum ad predicta animalia [pertinet] Tenendam et habendam adeo libere quiete et honorifice sicut aliqui religiosi in regno Scotie aliquam terram seu ecclesiam ab aliquo barone siue milite datam liberius et quiecius tenent et possident Ego uero et heredes mei confirmationem domini Roberti de Ros super dicta ecclesia sumptibus nostris inpetrabimus necnon de omni seculari demanda dicte bouate terre pertinente pro dictis religiosis respondebimus In cuius rei testimonium presenti scripto sigillum meum apposui Datum apud Arbroth quarto nonas Augusti Anno Domini millesimo ducentesimo octogesimo secundo Testibus Johanne de Montros clerico domino Adam vicario de Monisuth Fergus auunculo meo Thomas de Kynnarde Malisio de Eduyn Hugone Emme et multis aliis