Charter Document - 07230313
| Charter Number: | 07230313 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1289 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Uniuersis presentes literas inspecturis Henricus Dei gratia abbas de Aberbrothoc et eiusdem loci conuentus eternam in Domino salutem Nouerit vniuersitas vestra nos dedisse concessisse et hac carta nostra confirmasse ad feodo firmam Johanni Capellano filio Willelmi de Camboc terram nostram in villa de Caral quam Radulfus de Camboc auus predicti Johannis quondam de nobis tenuit et possedit Tenendam et habendam eidem Johanni et heredibus suis vel cuicunque assignare voluerit preterquam religiosis nobis exceptis libere et quiete sine hosti logio Reddendo nobis inde annuatim tres solidos argenti ad festum Sanci Martini in hyeme Et sciendum quod si predictus Johannes vel heredes sui necessitate cogente dictam terram vendere vel impignorare voluerint nobis prius eam offeret quam aliquibus aliis in mundo nec sine licentia nostra speciali poterit eam vendere nec eam aliquis emere In cuius rei testimonium presentibus sigillum commune capituli nostri fecimus apponi Datum apud Aberbrothoc in crastino Epiphanie anno Domini millesimo ducentesimo octogesimo octauo