Charter Document - 07230311

Anno gratie millesimo ducentesimo sexagesimo quinto ad festum Sanci Martini in hyeme Ita conuenit inter Abbatem de Aberbrothoc et eiusdem loci conuentum ex vna parte et nobilem virum Alexandrum Cumyn comitem de Buchan ex altera videlicet quod idem abbas et conuentus dederunt et concesserunt dicto domino Alexandro ad feodam firmam omnes terras suas subscriptas scilicet de Douenaldston de Drumfleid de Culbak de Munbodachin de Glenferkar de Fasdauach et medietatem de Tuberdach et duas partes de Kynkell Tenendas et habendas sibi et heredibus suis de Buchan inperpetuum de dictis abbate et conuentu et eorum successoribus per rectas diuisas suas in bosco et plano in pratis et pascuis in moris et marescjs in stagnis et molendinis et cum omnibus iustis pertinencijs suis ita libere et quiete plenaria et honorifice sicut easdem terras liberius quiecius plenius et honorificencius tenent Salua eisdem abbati et conuentui in omnibus regalitas quam habent in dictis terris Reddendo inde annuatim ipse et heredes sui de Buchan dictis abbati et conuentui et eorum successoribus viginti marcas legalium sterlingorum ad duos anni terminos decem scilicet marcas ad pentechosten et decem marcas ad festum Sancti Martini in hyeme deferendas propriis sumptibus et pacandas infra abbaciam de Aberbrothoc infra vicesimum diem a primo die cuiuslibet termini et respondendo de forinseco seruicio domini regis quantum ad predictas terras pertinet prestando eciam ipse et here dis sui dictis abbati et conuentui et eorum successoribus fidele consilium patrocinium ac defensionem iurium ac libertatum suarum et specialiter terrarum superius nominatarum Ipse vero dictus comes et heredes sui dictis abbati et conuentui prestabunt fidelitatis iuramentum salua fide domini regis Conuenit eciam inter dictas partes quod si in aliquo termino cessatum fuerit a solucione dicte firme Licebit episcopo Sancti Andree uel archidiacono eiusdem loci seu eorum officialibus qui pro tempore fuerint quorum iurisdictioni dictus dominus Alexander se et heredes suos ad totalem huius conuencionis obseruationem subiecit recepto iuramento abbatis prioris camerarii sacriste et terrarii de Aberbrothoc qui pro tempore fuerint quod non fuerit eis de firma predicta ad aliquem predictorum terminorum satisfactum dictum Alexandrum et heredes suos non soluentes ab ingressu ecclesie suspendere et si idem Alexander uel heredes sui postmodum per dictum mensem in dicta suspensione durauerint Licebit dicto episcopo archidiacono et eorum officialibus eosdem dominum Alexandrum et heredes suos non soluentes sentencia excommunicationis innodare quod si nec de predicta firma satisfecerint Liceat episcopo archidiacono uel eorum officialibus per huius conuentionis obligationem omnes predictas terras auctoritate dyoscesana ecclesiastico subponere interdicto ita quod dicta sententia si lata fuerit in persona nec eciam sententia interdicti in terris vllo modo aliquo iure relaxabitur donec predictis abbati et conuentui de totali firma vt dictum est in omnibus fuerit plenaria satisfactum Conuenit etiam inter predictas quod si fuerit cessatum in solutione dicte firme per quatuor terminos continue vel non continue per diuersa tempora recepto iuramento abbatis et suprascriptorum omnes predicte terre sine omni impedimento vel contradictione ad proprietatem domus de Aberbrothoc et ad liberam abbatis et conuentus dicte domus dispositionem sine difficultate qualibet debeant redire cum totali firma terminorum elapsorum non soluta et abbas et conuentus predicti ex tunc non obstante ista vel quacunque alia conuencione habeant liberam facultatem et potestatem disponendi de dictis terris pro voluntate sua secundum quod melius sibi viderint expedire vel eas in propria manu tenere uel cuicunque voluerint ad firmam tradere Ita quod dictus Alexander et heredes sui occasione huius vel cuiuscunque alterius conuentionis ex tunc nullum ius vel dominium in predictis terris vel in aliqua particula predictarum terrarum aliquo titulo vel aliquo iure sibi possint vendicare nisi per dictum comitem uel heredes suos aliquo tempore medio dica firma per terram alibi vel per alia bona de voluntate vel consensu partium gratiose redimatur Et ad premissa omnia et singula fideliter et efficaciter tenenda et obseruanda dictus dominus Alexander fide media in manu abbatis prestita se obligauit affirmans pro se et heredibus suis quod nec ipse nec heredes sui pro quacunque causa vtentur retentione tocius vel partis dicte firme in aliquo termino sed si quam causam habuerint contra dictos abbatem et conuentum de firma predictarum prius eis integre satisfacient et causam suam postmodum contra eos modis debitis prosequentur dictus autem comes pro se et heredibus suis quantum ad omnia et singula supradicta fideliter obseruanda renunciauit literis regiis et apostolicis impetratis et impetrandis et omni juris remedio canonici et ciuilis et omnimodis exceptionibus et defensionibus que dicto comiti et heredibus suis prodesse poterunt et dictis abbati et conuentui in aliquo obesse in posterum super premissis vel aliquo premissorum In cuius rei testimonium parti huius scripti in modum cyrographi confecti penes dictos abbatem et conuentum residenti appositum est sigillum dicti comitis vna cum sigillis venerabilis patris episcopi Sancti Andree et eiusdem loci archidiaconi parti vero penes dictum comitem residenti sigillum commune capituli de Aberbrothoc est appensum Hiis testibus Domino Serlone de Seton Roberto de Walchop militibus Magistro Roberto de Edinbrught canonico Glasguensi magistro Ricardo Vayrement Radulpho de Laceles Rectore ecclesie de Effy Laurencio de monte alto Rectore ecclesie de Kynetles Thoma de Trouequer decano de Anegus Dunekano iudice et multis aliis