Charter Document - 07230310
| Charter Number: | 07230310 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 - 1270 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris uel audituris Alexander comes de Buchan eternam in Domino salutem Nouerit vniversitas uestra me pro salute anime mee et omnium antecessorum meorum et successorum meorum concessisse et hac presenti carta mea confirmasse Deo et ecclesie Sancti Thome martiris de Abyrbroth et Monachis ibidem Deo seruientibus et inperpetuum seruituris donacionem illam quam Fergus comes de Buchan auus meus fecit in perpetuam elemosinam de vna marca argenti eis ad terminum Pentecostes annuatim soluenda Et etiam concessionem illam et confirmationem quam bone memorie Margareta comitissa de Buchan mater mea in legitima potestate uiduitatis sue existens de predicta marca eisdem fecit Quare uolo et hac presenti carta mea confirmo ut prefati monachi predictam marcam argenti a prefato Fergus auo meo eis concessam et collatam et a predicta matre mea ut dictum est concessam et confirmatam de me et heredibus meis ad dictum terminum Pentecostes in liberam et puram et perpetuam elemosinam de territorio meo de Fothneuyn per manus balliui mei qui pro tempore fuerit annuatim percipiant et habeant ita libere et quiete sicut carta predicti Fergus comitis et concessio et confirmatio Margarete matris mee super hoc plenius testantur Preterea concedo et presenti carta mea confirmo pro me et heredibus meis pro salute anime mee et omnium antecessorum meorum et successorum meorum predictis Monachis licentiam illam firmandi stagnum super terram meam de Fordun quam predicta mater mea in legitima potestate uiduitatis sue existens eisdem confirmauit sicut carta sua plenius testatur Hiis testibus dominis Reginaldo de Kener Roberto de Walchop Malcolmo de Morauia Henrico de Dundemur Serlone de Seton militibus Magistro Rogero de Derbi precentore Abirdonensi Rogero pater noster clerico et multis alijs