Charter Document - 07230309
| Charter Number: | 07230309 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1258 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris uel audituris Walterus Cummin comes de Meneteth salutem Noueritis me concessisse et confirmasse donum quod dominus Alexander de Striuilyn miles et fidelis meus contulit monachis de Aberbrothoc prout continetur in carta sua subscripta quam dictis monachis contulit Omnibus has literas uisuris uel audituris Alexander de Striuilyn salutem in Domino Nouerit uniuersitas uestra me pro salute anime mee et anime bone memorie Ermengardis filie domini mei Regis Alexandri et antecessorum et heredum meorum dedisse et concessisse et hac carta mea confirmasse Deo et ecclesie Sancti Thome martiris de Aberbrothoc et monachis ibidem Deo seruientibus et seruituris in puram et perpetuam elemosinam singulis annis ad luminare predicte ecclesie de me et heredibus meis dimidiam petram cere ad nundinas de Monros percipiendam per manum propositi mei qui pro tempore fuerit in uilla Laurencii quam mihi dedit dominus meus Walterus comes de Meneteth Quare uolo ut predicti monachi predictam dimidiam petram cere de me et heredibus meis in prefato loco sicut supradictum est libere et quiete teneant et possideant sicut aliquam elemosinam in toto regno Scocie ab aliquo liberius et quiecius tenent et possident Hiis testibus domino Henrico de Striuelin filio comitis Dauid Michaele de Stratum Nycholao de Inuerpefer Rogerio de Balkathin Hugone Marscallo et multis aliis