Charter Document - 07230306
| Charter Number: | 07230306 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1225 - 1239 |
| Date type: | Assigned |
| Resource Link(s): |
People of Medieval Scotland |
Charter:
Omnibus has litteras visuris vel audituris Radulfus Dei gracia abbas monasterii Sancti Thome Martiris de Aberbrothoc et eiusdem loci conuentus eternam in Domino salutem Nouerit vniuersitas vestra quod cum terra de Othirlony que ad Walterum filium Turpini et antecessores suos iure hereditario pertinebat vsibus nostris perutilis esset et necessaria propter multimoda aysiamenta proueniencia de eo quod terre dominii nostri de Dumnethyne coniuncta sit et contigua idem Walterus ad instanciam nostram de communi consilio amicorum suorum nobis eandem terram concessit et quietam in perpetuum clamauit ita scilicet quod pro hac concessione et quieta clamacione dedimus ei as cambium et presenti carta nostra confirmamus terram de Kenny versus occidentem in schira nostra de Kyngoldrum Tenendam sibi et heredibus suis de nobis et successoribus nostris inperpetuum cum hominibus suis natiuis de Kenny cum merchetis et blodwetis hominum suorum manencium super predictam terram nostram cum libertate et quieta clamacione multure de domo sua propria et cum omnibus aliis pertinenciis suis libere et quiete plenaria et honorifice de omnibus seruiciis excepto forinseco seruicio domini regis de predicta terra Reddendo inde nobis annuatim vnam libram piperis vel duodecim denarios ad pentecosten Preterea concessimus ei et heredibus suis libertatem et licenciam de communi focali et communi pastura et eciam de libero exitu habendis ad pasturam communem in schira de Kyngoldrum cum hominibus omnibus nostris iuxta se manentibus super terras nostras siue eas in manibus nostris tenuerimus siue eas aliis quocunque modo tradiderimus Promisimus eciam bona fide pro nobis et successoribus nostris quod iam dictam terram warantizabimus dicto Valtero et heredibus suis per rectas diuisas suas per quas eidem Waltero perambulata fuit et tradita presentibus bone memorie Gilbertus abbate nostro Radulphus de Lambeley tunc Priore Clemente et Jordano et monachis nostris vnacum Hugonem Cambron vicecomite de Forfar et Ranulpho de Strathechin et multis aliis Vt autem hec concessio nostra sicut predictum est futuris temporibus rata permaneat presens scriptum per sigilli nostri autentici appositionem facimus roborari testibus Dionisio decano de Forfar magistro G de Crafurd magistro Petro de Castiltarris domino Serlone clerico domino Magnus filio comitis domino Thome Malherbe vicecomite de Forfar domino Anegus filio comitis Adam senescallo domini abbatis de Abirbroth Keraldo iudice domini Regis Margundo filio Albe et Ysaac de Forfar