Charter Document - 07230304
| Charter Number: | 07230304 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1189 - 1199 |
| Date type: | Assigned |
| Resource Link(s): |
People of Medieval Scotland |
Charter:
Uniuersis matris ecclesie filiis Ricardus Malluele salutem Sciant omnes tam presentes quam futuri me dedisse concessisse et hac carta mea confirmasse monachis Sancti Thome de Aberbrothoc et capelle Sancti Laurencii de Kynbladmund decem acras in campo de Kynbladmund et dimidiam acram in villa ad toftum capellani cum decima molendini predicte ville pertinentis et omnibus iustis decimis et oblacionibus eidem predicte capelle iuste pertinentibus in perpetuam elemosinam honorifice quiete libere ab omni seruicio regis et exercitu et equitatu et ab omni exactione seculari cum tali pastura quod ipse capellanus qui in capella predicta ministrauerit habebit ibi vnum equum et duos boues quatuor vaccas et quadraginta oues Quare volo et concedo quod predicti monachi habeant hanc terram teneant et possideant adeo quiete et honorifice de me et heredibus meis sicut aliqua elemosina per totum regnum Scotie liberius et honorificencius tenetur et quiecius Hiis testibus Johanne episcopo de Katanes Hugone Cancellario regis Roberto capellano regis Ricardo de prebenda Alexandro et alio Alexandro capellanis episcopi de Katanes