Charter Document - 07230265
| Charter Number: | 07230265 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1279 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Sciatis nos dedisse et concessisse pro nobis et successoribus nostris abbati de Aberbr et monachis ibidem Deo seruientibus et in perpetuum seruituris centum solidos sterlingorum singulis annis percipiendos de firmis manerii nostri de Forfar ad festum Pentecosten per manus vicecomitis et balliuorum nostrorum qui ibidem pro tempore fuerint in recompensacionem centum solidorum quos dicti abbas et monachi soluunt annuatim pro nobis priori et conuentui monasterii sancti Thome martiris de Cantuaria pro refeccione tredecim pauperum ibidem perpetuo pascendorum donec eisdem abbati et monachis de Abirbr per nos vel successores nostros in ecclesiastico beneficio seu bonis temporalibus vberius fuerit prouisum Testibus Waltero senescallo comite de Meneteth Willelmo de Brechyn et Patricio de Berklay apud Cuprum Monachorum duodecimo die Nouembris anno regni nostri tricesimo primo