Charter Document - 07230101
| Charter Number: | 07230101 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1233 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gracia rex Scottorum omnibus probis hominibus tocius terre sue clericis et laicis salutem Sciant presentes et futuri nos dedisse concessisse et hac carta nostra confirmasse Deo et beate Marie et sancto Thome martiri de Abirbrothoc et monachis ibidem Deo seruientibus et in perpetuum seruituris in dotem ecclesie sue de Abirbrotht quam dedicare fecimus totam terram nostram de Nyg Tenendam et habendam eisdem monachis in liberam puram et perpetuam elemosinam in bosco et plano in terris et aquis in pratis et pascuis in moris et mariscis in stagnis et molendinis cum socco et sacca cum furca et fossa cum tol et them et infangandthef et cum natiuis eiusdem terre et cum placitis et loquelis ad coronam nostram spectantibus et cum omnibus aliis iustis pertinenciis suis quietam ab omni exercitu auxilio consuetudine et omni exaccione seculari Quare uolumus et precipimus vt dicti monachi dictam terram teneant et habeant ita libere quiete plenaria et honorifice sicut aliqui viri religiosi in terra nostra aliquam terram in regno nostro liberius et honorificencius tenent et possident saluis nobis piscariis nostris quas habere consueuimus in predicta terra de Nyg Concessimus eciam eisdem monachis vt predictam terram de Nyg habeant in liberam forestam Quare firmiter prohibemus ne quis sine eorum licencia in eadem terra de Nyg secet aut uenetur super nostram plenarium foris facturam decem librarum Testibus Andreas episcopo Morauie Willelmus electo Glasguensi cancellario Walterus filio Alani senescallo justiciario Scocie Laurencio de Abirnithi Johannes de Maxwel camerario Rogero Auenel Henrici de Striuelin filio comitis Johanne de Vallibus Dauid de Hastingys Apud Forfar tercio die Julii anno regni domini regis nono decimo