Charter Document - 07230095
| Charter Number: | 07230095 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1178 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei gratia Rex Scottorum Episcopis Abbatibus Comitibus Baronibus Justiciis Vicecomitibus et omnibus probis hominibus tocius terre sue salutem Sciant presentes et futuri me dedisse et concessisse et hac carta mea confirmasse Hugoni de Rokisburge clerico meo terram abbacie de Monros cum omnibus iustis pertinenciis suis in terris et aquis pratis et pascuis moris et ceteris omnibus ad illam iuste adiacentibus per rectas diuisas suas ad tenendum de Deo et de Sancto Thoma archipresule et martire de Abirbrothoc in liberam et quietam elemosinam Quare uolo ut prefatus Hugo prenominatam terram per rectas diuisas suas ita libere et quiete et honorifice omnibus diebus uite sue teneat et possideat sicut ecclesia Sancti Thome de Abirbrothoc terram illam de me uel alias terras et tenuras suas de me et heredibus meis liberius et quiecius in liberam et perpetuam elemosinam tenent et possident Reddendo inde singulis annis ecclesie Sancti Thome de Abirbrothoc ad festum Sancti Thome martyris iii petras cere Testibus Dauid fratre meo Matheo episcopo Aberdonensi Andree episcopo de Katen Comite Dunecano Comite Gilleberto Ricardo de Moreuill constabulario Waltero de Berkel Camerario Hugone et Willelmo Capellanis meis Hugone Giffard Ricardo clerico Apud Klonin