Charter Document - 07230092
| Charter Number: | 07230092 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1183 - 1188 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei Gratia Rex Scott[orum] Episcopis Abbatibus Comitibus Justiciis Vicecomitibus Ministris et omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Deo et [Sancto] Thome et ecclesie de Abirbrothoc et monachis ibidem Deo seruientibus unam carucatam terre in Munethene super aquam de Beruyn quam Willelmus de Montfort et Umfridus de Berkel et Walterus Scotus et Alanus filius Symonis et alii probi homines mei eis precepto meo mensurauerunt in liberam et perpetuam elemosinam cum communi pastura et cum omnibus aisiamentis ad terram illam pertinentibus ita plenaria et honorifice libere et quiete ab operacione et ab omni seculari exaccione sicut aliquam elemosinam liberius quiecius plenius et honorificencius tenent in regno meo Uolo quidem ad omnium noticiam peruenire quod per hanc carucatam terre quam eis dedi acquietaui ab eis unam carucatam terre et dimidiam quas ex dono Ricardi Friuill habuerunt et de quibus cartas suas eis dederat Unde non liceat alicui heredum predicti Ricardi si qui eorum terram illam recuperauerint super predicta terra erga eos aliquam questionem mouere Testibus Hugone episcopo Sancti Andree Johanne episcopo Dunkeldensi Roberto Abbate de Scona Comite Dunecano Justicia Ricardo de Moreuill constabulario Waltero Olifard Philippo de Valoniis Rogero de Berkeley Waltero de Berkel Camerario Apud Perth