Charter Document - 07230066
| Charter Number: | 07230066 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1212 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum omnibus probis hominibus tocius terre sue clericis et laicis salutem Sciant presentes et futuri me concessisse et hac Carta mea confirmasse Deo et ecclesie Sancti Thome martiris de Abirbrothoc et monachis ibidem Deo seruientibus et seruituris totum nemus de Trostach quod Thomas de Lundyn Ostiarius meus eis dedit et quietum clamauit per rectas diuisas contentas in carta eiusdem Thome inde facta predictis monachis et communionem pasture quam idem Thomas prefatis monachis et eorum hominibus in terris eorum de Benchoryn manentibus concessit in terra sua usque ad Loucherkar Tenendum in liberam et puram et perpetuam elemosinam ita libere et quiete et honorifice sicut Carta predicti Thome testatur saluo seruicio meo Testibus Willelmo de Bosco Cancellario meo Philippo de Valonzis camerario meo Hugone de sigillo clerico meo Pippo de Mubray Ricardo filio Hugonis Apud Striuelyn xx die Maii