Charter Document - 07230023
| Charter Number: | 07230023 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1194 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei Gratia Rex Scottorum episcopis Abbatibus Comitibus Baronibus Justiciis Vicecomitibus prepositis Ministris et omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Deo et ecclesie Sancti Thome de Aberbrothoc et monachis ibidem Deo seruientibus ecclesiam de Pannebry cum terris et decimis et oblacionibus omnimodis et omnibus aliis ad predictam iuste pertinentibus ecclesiam Tenendam in liberam et quietam in puram et perpetuam elemosinam ita libere et quiete plenaria et honorifice sicut aliqua elemosina in toto regno meo liberius et quiecius plenius et honorificencius tenetur et possidetur Testibus Hugone cancellario meo Jocelino archidiacono Dunkeldensi Roberto capellano meo Ricardo de prebenda et Willelmo Maluesyn clericis meis Comite Dunecano Comite Gilberto Roberto de Londoniis Malcolmo filio comitis Dunecani Willelmo Cumyn Geruasio Auenel Willelmo de Lyndes Adam de Syreys Willelmo de Haya Herberto Marescallo Apud Forfar