Charter Document - 07230022
| Charter Number: | 07230022 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1194 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei Gratia Rex Scottorum Episcopis Abbatibus Comitibus Baronibus Justiciis Vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Deo et Ecclesie Sancti Thome de Aberbrothoc et monachis ibidem Deo seruientibus Ecclesiam de Munieky cum terris et decimis et oblacionibus omnimodis et cum communi pastura tocius parochie de Munieky et cum omnibus aliis ad predictam ecclesiam iuste pertinentibus Tenendam in liberam et quietam et perpetuam elemosinam ita libere et quiete plenaria et honorifice sicut aliqua alia elemosina in toto regno meo liberius et quiecius plenius et honorificencius tenetur et possidetur Testibus Hugone cancellario meo Jocellino archidiacono Dunkeldensi Willelmo priore de Rostynoth Radulfo capellano meo Ricardo de prebenda clerico meo comite Dunecano comite Gilberto Willelmo de Lyndes Roberto de Londoniis Malcolmo filio comitis Dunecani Johanne de Hasting Willelmo Cumyn Willelmo de Haya Geruasio Auenel Thoma de Colleuil apud Forfar