Charter Document - 07230006
| Charter Number: | 07230006 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1178 - 1184 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei gratia Rex Scott[orum] Episcopis Abbatibus comitibus Baronibus Justiciariis Vicecomitibus ministris et omnibus probis hominibus tocius terre sue clericis et laicis salutem Sciant presentes et futuri me dedisse concessisse et hac carta mea confirmasse Deo et ecclesie Sancti Thome de Aberbruthoch et monachis ibidem Deo seruientibus unum rethe super aquam meam de Pert que uocatur Stok tenendum in perpetuam elemosinam ita libere et quiete plenaria et honorifice sicut alias elemosinas suas liberius quiecius plenius et honorificencius tenent et possident Testibus Andree episcopo Katenensi Comite Dunecano Justicia Ricardo de Moreuill Constabulario Philippo de Valloniis Rogero de Valloniis Waltero de Berkel Camerario Roberto de Costentind Apud Munros