Charter Document - 07220017

Omnibus Christi fidelibus has literas visuris vel audituris Martinus Aurifaber burgensis de Aberden salutem eternam in domino Nouerit vniuersitas vestra me dedisse concessisse et hac carta mea confirmasse Waltero de Maleuile burgensi de Aberden annualem redditum octo marcarum de mea propria adquisitione et quem redditum legitime emi percipiendum de terris subscriptis videlicet de illa perticata terre que iacet in vico nauium inter terram que fuit quondam Willelmi filij Hulf que est ex parte aquilonali et terram que fuit Simonis Pellipar que est ex parte meridionali vnam marcam et de illis tribus perticatis terre simul iacentibus in dicto vico inter terram quam Johannes Cupar tunc tenuit ad feodo firmam de Joanne de Sancto Claro que est ex parte orientali et terram quam Nicholaus Carnifex tunc tenuit ad feodo firmam de fratribus sancte trinitatis que est ex parte occidentali viginti et tres solidos videlicet de illa terra quam Willelmus de Buchan tunc tenuit sex solidos et de illa terra quam predictus Nicholaus de me tunc tenuit sex solidos et de illa terra que iacet in vico furcarum quam Radulphus Foddoc de me tenuit vnam marcam et de illa terra quam Colinus Sellar de me tenuit dum viueret in dicto vico inter terram que fuit quondam Andree de Cultyr que est ex parte boriali et terram que fuit predicti Radulphi Foddoc que est ex parte australi sex decem solidos et de illa terra que iacet in vico de la grene inter terram Willelmi Wynk ex vna parte et terram Adam filij Rogeri ex altera septem solidos et de illa terra que iacet in vico de Fotyn inter terram qui dicitur redbachus ex vna parte et terram Joannis de Garmach ex altera quatuor solidos et de illis croftis quos Henricus dictus Koc pistor de me tenuit ad feodo firmam iacentibus in Campo Justicie ex occidentali parte riuuli qui dicitur le Deneburne triginta solidos pro quadam summa pecunie quam predictus Walterus mihi in mea magna necessitate plenaria numerauit et pacauit Tenendum et habendum predictum redditum octo marcarum predicto Waltero et heredibus suis vel suis assignatis et recipiendum de predictis terris et earum tenentibus ad duos anni terminos videlicet vnam medietatem ad Pentecostem et aliam medietatem ad festum sancti Martini in yeme absque alio onere aut seruicio seculari inde faciendo Ego vero predictus Martinus et heredes mei vel assignati mei predictum redditum octo marcarum de predictis terris annuatim percipiendum per omnia bona nostra mobilia et immobilia terras nostras et possessiones predicto Waltero et heredibus suis vel suis assignatis contra omnes homines et feminas et sub pena compulsionis censure ecclesiastice in personam meam et heredum meorum vel meorum assignatorum absque aliquo remedio de die in diem fulminande warantizabimus in perpetuum et defendemus In cuius rei testimonium sigillum meum vna cum communi sigillo de Aberden ad instanciam meam hijs literis patentibus feci apponi Datum apud Aberden die lune proxima post festum Ascencionis Domini anno gratie millesimo ducentesimo octogesimo primo Testibus Matheo Greatheued tunc aldermano de Aberden Rogero de Ry Willelmo Alkoc et Willelmo Marescallo tunc temporis prepositis de Aberden Johanne de Agnetis Thoma filio Alicie Willelmo Propheta Willelmo Malcolmo de Polgoueny Alano clerico Thoma Boner Galfredo dicto de Gaytun Duncano Mercenar Johanne dicto Seyer Symone Tok Thoma clerico de Aberden et alijs