Charter Document - 07220013
| Charter Number: | 07220013 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1277 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus totus terre sue salutem Sciatis nos concessisse et hac presenti carta nostra confirmasse donationem illam seu collationem quam bone memorie quondam Radulphus episcopus Aberdonensis de consensu et assensu capituli ecclesie Aberdonensis fecit intuitu caritatis Deo et beate Marie et fratribus militie templi Salomonis de Jerusalem de ecclesia de Obeyne cum capellis terris decimis oblationibus et ceteris omnibus pertinentijs suis Tenendas et habendas eisdem fratribus qui pro tempore fuerint in proprios vsus in perpetuum de nobis et heredibus nostris secundum quod in instrumentis cartis et munimentis dictorum et capituli eisdem fratribus exinde confectis plenius continetur salua perpetuo vicario per eosdem fratres presentato debita et consueta portione sua in ipsa ecclesia Ratificamus etiam presentationem per predictos fratres factam de Johanne de Anandia capellano nostro ad vicariam dicte ecclesie de Obeyne vacantis de iure et de facto Quapropter plenum ius memorate ecclesie de Obeyne cum omnibus suis iuribus et pertinentijs eisdem fratribus contulimus et conseruauimus inperpetuum intuitu caritatis Testibus Alexandro Comyn comite de Buchane constabulario Scotie Hugone de Abirnethy Dauid de Lochore Symone Fraser et Willelmo de Sancto Claro Apud Forfar quin decimo die Aprilis anno regni nostri vicesimo octauo