Charter Document - 07220011
| Charter Number: | 07220011 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1239 - 1247 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus ad quos presens scriptum peruenerit Radulphus permissione diuina ecclesie Aberdonensis minister humilis eternam in domino salutem Noueritis vniuersi nos diuine pietatis intuitu dedisse concessisse et hac carta nostra confirmasse Deo et beate Marie et fratribus milicie templi Salomonis in Scotia apud Cultre constitutis ad presentationem nobilis viri domini Walteri Byffet ecclesiam de Obeyne cum capellis terris decimis oblationibus et obuentionibus et omnibus iustis pertinentijs suis in liberam puram et perpetuam elemosinam Tenendam et habendam predictis fratribus ad vsus proprios adeo libere et quiete sicut aliqua ecclesia in regno Scotie predictis fratribus datur et conceditur saluis nobis et successoribus nostris iurisdictione canonica et episcopalibus et honesta sustentatione ydonei vicarij in predicta ecclesia quem predicti fratres nobis et successoribus nostris sufficientissimum presentabunt qui nobis et successoribus nostris de spiritualibus et cum animarum respondebunt et predictis fratribus de temporalibus In cuius rei testimonium presens scriptum sigilli nostri appositione corroborauimus Testibus magistro Willelmo de Bosco Ricardo officiali nostro domino Stephano Senescallo canonicis de Aberden domino Willelmo et Alano monachis de Aberden domino Johanne de Soltre capellano Roberto de Walchope et multis alijs