Charter Document - 07220010

Alexander dei gratia rex Scottorum episcopis abbatibus prioribus comitibus baronibus iusticiarijs vicecomitibus ministris et omnibus balliuis et fidelibus suis salutem Noueritis nos concessisse et confirmasse Deo et beate Marie et fratribus milicie templi Salamonis omnes donationes terrarum hominum et elemosinarum eis a predecessoribus nostris vel ab alijs in preterito vel in futuro vel a nobis in presenti vel in futuro a regibus vel ex aliorum liberalitate conferendas vel alio modo acquisitas vel adquirendas tam in ecclesijs quam in rebus et possessionibus mundanis Quare volumus et firmiter precipimus quod predicti fratres et eorum homines possessiones et elemosinas suas habeant et teneant cum omnibus libertatibus et liberis consuetudinibus et quietancijs suis in bosco et plano in pratis et pasturis in aquis molendinis semitis et vijs et stagnis et viuarijs in mariscjs et piscarijs in grangijs et virgultis infra burgum et extra cum socca et sacca et toll et them et infangandthefe girthebrekyng flemyngrith murthir et latrocinio et forte mento infra tempus respectiue et in omnibus locis et cum omnibus causis que sunt vel esse possunt Concedimus etiam in perpetuum quod predicti fratres et eorum homines quieti sint de misericordijs et quod ipsi et omnes homines sui liberi sint ab omni scotto et gildo et omnibus auxilijs regum et vicecomitum et omnium ministrorum eorum et wapynthak et exercitibus placitis et querelis warda et releuio et de omnibus operibus castellorum parcorum pontium clausurarum et omni cariagio summagio et nauigio et domuum regalium edificatione et omnimoda operatione Et prohibemus ne bosci eorum ad predicta opera vel ad aliqua alia vllo modo capiantur et similiter bladum eorum vel hominum suorum vel aliquid de rebus suis vel hominum suorum ad castella munienda non capiantur Volumus etiam quod libere et sufficienter sine qualibet occasione capiant de omnibus boscis ad vsum domuum suarum et hominum suorum quantum voluerint nec propter hoc in forisfacto vel in misericordia ponantur [Per] omnes quoque terras suas essarta sua et hominum suorum iam facta et que in posterum fient eis inperpetuum quieta clamamus de visu forestariorum et de omnibus alijs consuetudinibus Concedimus insuper eisdem fratribus et hominibus suis quod de omnibus bosci quos habent in presenti infra metas foreste possint essartare et colere sine licentia nostra vel hominum nostrorum vel balliuorum nostrorum ita quod inde in nullo a nobis vel heredibus nostris vel in perpetuum occasionentur Precipimus etiam quod ipsi fratres templi et homines sui liberi sint et quieti ab omni theoloneo in omni foro et in omnibus nundinis et in omni transitu pontium viarum et maris per totum regnum nostrum et per omnes terras nostras et omnia mercata sua et hominum suorum sint similiter in predictis locis ab omni theoloneo quieta Concedimus etiam eis et confirmamus quod si aliquis hominum suorum pro delicto suo vi tam vel membra amittere debeat vel fugit et in iudicio stare noluerit vel aliud delictum fecerit pro quo debeat catalla sua perdere vbicunque iusticia fieri debeat siue in curia nostra siue in alia curia ipsa catalla sint predictorum fratrum Et liceat ipsis fratribus sine disturbatione vicecomitum et omnium balliuorum nostrorum et aliorum ponere se in saysinam de predictis catallis in predictis casibus et alijs quando balliui nostri si ad nos pertinerent catalla illa in manu nostra ea saysire possint et debent Et si aliquis tenentium predictorum fratrum feodum suum foris fecerit liceat ipsis fratribus ponere se in saysinam de ipso feodo et ipsum feodum cum pertinencijs suis possidere non obstante eo quod nos consueuimus feoda fugitiuorum et dampnatorum per vnum annum et vnum diem possidere Similiter si aliquis hominum suorum fit in merciamento erga nos vel balliuos nostros pro quacunque causa vel delicto vel forisfacto mercie et merciamenta pecunie sint collecta et in vna bursa ad scaccarium nostrum portata et predictis fratribus sint ibidem liberata seruata regie maiestatis iusticia mortis et membrorum Concedimus insuper eis quod licet aliqua libertatum suarum contentarum in hac carta pro temporis diuturnitate quocunque casu contingente vsi non fuerint nihilominus tamen eadem libertate de cetero vtantur sine aliqua contradictione non obstante eo quod per temporis diuturnitatem ea vsi non fuerint sicut predictum est Hec omnia predicta et omnia alia seruicia secularia et consuetudines que in hoc scripto non comprehenduntur eis concedimus et confirmamus in perpetuam elemosinam cum omnibus libertatibus et liberis consuetudinibus quas regia potestas liberius alicui domui religionis conferre potest pro Dei amore et pro anima domini Dauid regis Scotie et pro anima domini Willelmi regis patris nostri et pro animabus omnium antecessorum et successorum nostrorum Et prohibemus super foris facturam nostram quod nullus eis vel hominibus suis contra hanc cartam in aliquo foris faciat quia ipsos homines suos et omnes res et possessiones suas et hominum suorum in custodiam et specialem protectionem nostram suscepimus Hijs testibus [] Datum apud Streuelyne duodecimo die mensis Januarij anno regni nostri vicesimo secundo