Charter Document - 07220009
| Charter Number: | 07220009 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1234 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Alanus Hostiarius omnibus amicis et hominibus suis salutem Sciant presentes et futuri me dedisse concessisse et hac presenti carta mea confirmasse Deo et beate Marie et hospitali eiusdem genetricis Dei fito iuxta pontem quem pater meus fecit construi super Dee et fratribus in eodem hospitali Deo seruientibus et seruituris in perpetuum in puram et perpetuam elemosinam ad sustentationem eorundem et pauperum receptionem vnam dauacham terre que dicitur Sutheluthy per suas rectas diuisas et cum omnibus iustis pertinencijs suis et ecclesiam de Kyncardyn in Marr cum omnibus iustis pertinencijs suis Quare volo et concedo vt predictum hospitale et fratres in eo seruientes Deo et seruituri in perpetuum predictam ecclesiam et predictam terram habeant teneant et possideant in puram et perpetuam elemosinam per suas rectas diuisas et cum omnibus iustis pertinencijs suis in terris et aquis in bosco et plano in pratis et pascuis in moris et mariscis in lacubus et piscarijs in vijs et semitis in feris et auibus in stagnis et molendinis adeo libere quiete plenaria et honorifice sicut aliqua elemosina in regno Scotie liberius quietius plenius honorificentius ab aliqua domo religiosa habetur tenetur et possidetur Testibus domino Andree Morauiensi episcopo domino Willelmo Comyn Willelmo precentore Morauiensis ecclesie Willelmo cancellario eiusdem ecclesie magistro Gilberto et magistro Edwardo et magistro Willelmo Agno canonicis Roberto de Stutevilla domino Johanne de Vallibus et domino Hugone Flamang domino Johanne de Cambron militibus domino Willelmo capellano magistro Johanne de Berwyk Johanne et Johanne et Petro clericis domini Andree Morauensis episcopi Gilleberto senescallo de Vrchard Radulpho Camerario Symone de Orreby Augustino Syg et alijs Actum anno gracie millesimo ducentesimo tricesimo tertio et tertio Marcij