Charter Document - 07220008
| Charter Number: | 07220008 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1231 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus totius terre sue clericis et laycis salutem Sciant presentes et futuri nos concessisse et hac carta nostra confirmasse Deo et fratribus hospitalis Jerusalem omnes donationes terrarum hominum et tenentium ac elemosinarum que eis rationaliter facte sunt tam in ecclesijs quam in alijs rebus priuilegijs et possessionibus mundanis volumus igitur et firmiter precipimus vt dicti fratres omnes possessiones et elemosinas suas habeant et teneant cum sok et sak cum toll et theme infangandthef et cum omnibus alijs hereditatibus et liberis consuetudinibus ac quietantijs suis in bosco et plano in pratis et pascuis in aquis et molendinis in vijs et semitis in moris et marescis in stagnis et viuarijs in piscarijs et grangijs ac virgultis infra burgum et extra et in omnibus rebus liberas et quietas de placitis et querelis scutagio auxiliis et assis is et de operatione castellorum et pontium et de bludwite et de passagio pontagio et hostellagio et quietas de omni tellonio et de omni seculari seruicio opere seruili exactione et de omnibus alijs consuetudinibus secularibus excepta solum iusticia hominis condemnati et exceptis quatuor querelis que ad coronam nostram pertinent scilicet de rapina de combustione de murthir et de femina afforciata Volumus et concedimus omnibus hominibus predictorum fratrum et qui de eisdem tenent quicquam in burgo vel extra burgum vt liberi sint ab omni tolloneo et de omnibus consuetudinibus in omnibus emptionibus venditionibus qualitercunque contingentibus Volumus insuper et firmiter precipimus vt si predicti homines eorundem fratrum et tenentes coram nobis vel aliquibus balliuis nostris pro aliqua causa fuerint amerciati prefata merciamenta sancto Joanni et dictis fratribus remaneant in perpetuum et si predicti fratres aliquo modo fuerint amerciati sint quieti pro vna vlna scarleti quare volumus et concedimus et firmiter precipimus vt predicti fratres omnia prescripta habeant et teneant de nobis et successoribus nostris in liberam puram et perpetuam elemosinam secundum quod liberius et quiecius ac plenius temporibus antecessorum et successorum nostrorum regum Scottorum illustrium habere consueuerunt Hec autem omnia prescripta damus concedimus et confirmamus pro amore Dei et animabus omnium antecessorum et successorum nostrorum Testibus Willelmo episcopo Glasguensi Andree episcopo Moraviensi Willelmo de Bond tunc cancellario Joanne [] de Huntyngton Dauid de Lyndelay Ricardo Champ Dauid Marescallo Waltero Byset Johanne de Haya Alexandro de Stryuelyne et multis alijs Apud castrum puellarum xxx die Junij anno regni nostri septimo decimo