Charter Document - 07220002

Alexander episcopus seruus seruorum Dei venerabilibus fratribus archiepiscopis et episcopis et dilectis filijs abbatibus prioribus et alijs ecclesiarum prelatis ad quos presentes litere peruenerint salutem et apostolicam benedictionem Cum vniuersis pene fidelibus notum existat quod dilecti filij fratres milicie templi pro defensione orientalis ecclesie labores sustineant et quomodo foli Christiani nominis inimicis crucis Christi se ipsos opponant decet quemlibet Christianum predictos fratres speciali caritate diligere ac se et alios ab ipsorum molestijs et iniurijs cohibere Inde est quod vniuersitati vestre ad instar felicis recordationis Honorij et Innocencij prededecessorum nostrorum Romanorum pontificum per apostolica mandamus et precipimus quatinus parochianis vestris sub anathematis interminatione vocetis ne possessiones vel redditus eorum vel res alias violenter auferre vel alimenta retinere presumant vel alias eisdem irrogare Si qui vero prohibitionis huius contemptor extiterit et secundo tertioue commonitus minime resipisceret quisque parochianum suum vinculo excommunicationis stringat et in locis in quibus preda fuerit donec reddatur diuina prohibeat celebrari Ad hec sententia ecclesiastica in malefactores ipsorum fratrum perlata interdum sine satisfactione congrua relaxatur vnde contigit quod passi iniuriam sua non recuperant nec inferentes liberantur a culpa presentium vobis auctoritate iniungimus vt sententiam excommunicationis vel interdicti propter iam dictos fratres in quemquam perlatam ante satisfactionem congruam non soluatis nec aliqua temeritate patiamini violare Datum Laterani xv Kalendas Junij pontificatus nostri anno primo