Charter Document - 07210038

Robertus Dei gratia rex Scottorum camerario nostro et iusticiario ex parte Boreali aque de Forth nec non vicecomitibus et balliuis nostris de Aberden et de Banff prepositis et balliuis burgorum eorundem salutem Quia remisimus in pleno parliamento nostro tento apud Sconam die dominica proxime post festum sancti Andree Apostoli anno regni nostri tertio decimo omnem raucorum animi nostri quem concepimus contra reuerendum in Christo patrem dominum Henricum Dei gratia episcopum Aberdonensem propter quem fecimus temporalitatem suam manibus nostris saysiri Quare vobis et cuilibet vestrum precipiendo mandamus quatinus predicto episcopo et suis successoribus responderi faciatis et persolvi de omnibus firmis terrarum redituum et possessionum suarum et de annuis pensionibus per quoscunque debitis vna cum decimis redituum nostrorum omnium inter duas aquas que Dee et Spee dicuntur et cum exitibus curiarum nostrarum iustitiarie camerarie et vicecomitatuum de Aberden et de Banff cum arreragiis earundem si que sint per nos vel nostros non levate de temporibus quibus erant sub arresta nostra cum omnibus libertatibus consuetudinibus et aysiamentis quibus predecessores sui episcopi Aberdonenses dictas terras possessiones redditus decimas et annuas pensiones a regibus Scottorum illustri[bu]s predecessoribus nostris habuerunt seu possiderunt et ita libere sicut dictus episcopus aliquo tempore ante saysinam nostram predictos redditus possessiones decimas et annuas pensiones tenuit habuit seu possedit sub pena nostre plenaria foris facture et offensionis nostre regie magestatis In cuius rei testimonium presentibus confirmationi et remissioni sigillum nostrum fecimus apponi Testibus venerabilibus in Christo patribus Willelmo et Willelmo et Mauritio Sancti Andree Dunkeldensis et Dunblanensis ecclesiarum episcopis Bernardo abbate de Abbrebrothoch cancellario nostro Duncano Malicio et Mordaco de Fyfe de Strathern et de Menteth comitibus Gilberto de Haya constabulario nostro Roberto de Keth marescallo nostro Alexandro Fraser militibus apud Sconam die Martis proximo post festum sancti Andree apostoli anno regni nostri tertio decimo