Charter Document - 07210036
| Charter Number: | 07210036 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1314 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Memorandum quod anno Domini MCCC lune proximo post festum conuersionis sancti Pauli apostoli Nos Henricus miseratione diuina ecclesie Aberdonensis minister humilis cum consensu assensu et voluntate totius capituli nostri habito super hoc frequenti diligenti et solemni tractatu dedimus caritatis intuitu concessimus et carta nostra inde confecta cum sigilli nostri vna cum communis sigilli capituli nostri appositione confirmauimus pro nobis et successoribus nostris in perpetuum viris religiosis abbati et conuentui de Cupro Cisterciensis ordinis sancti Andree dyoecesis et successoribus suis ecclesiam de Alveth in dyoecese nostra situatam cum omnibus terris libertatibus et aysiamentis ad ipsam ecclesiam quoquomodo pertinentibus seu pertinere valentibus in proprios vsus ad sustentationem diuini cultus in monasterio de Cupro et ad releuamen status eiusdem monasterij per diuersa guerrarum discrimina multipliciter tempore presentis nostre donationis concessionis et confirmationis et vehementer exinaniti Ita plane quod abbas ipsius monasterij de Cupro qui pro tempore fuerit faciet nobis et successoribus nostris ratione ipsius ecclesie de Alveth obedientiam quam decet et iidem abbas et conuentus facient deseruiri eidem ecclesie de Alveth per ydoneum vicarium perpetuum qui a nobis et successoribus nostris ad presentationem ipsorum abbatis et conuentus quotiens opus fuerit curam recipiet animarum et decem libras sterlingorum ab ipsis abbate et conuentu annuatim libere percipiet ad duos anni terminos videlicet medietatem ad festum natiuitatis beati Johannis Baptiste et aliam medietatem ad festum purificationis de quibus decem libris episcopo et archidiacono idem vicarius onera tamen ordinaria integre persoluet Iidem vero abbas et conuentus inuenient eidem vicario toftum vnum et croftum prope ipsam ecclesiam de Alveth et construi facient in eodem primo vicario sic intranti honesta edificia pro ordinariis recipiendis que edificia vicarius qui pro tempore fuerit suis sumptibus sustentabit iidem abbas et conuentus inuenient eidem vicario pro animalibus suis pascua secundum consuetudinem in dyoecese Aberdonensi super hoc approbatam Preterea iidem abbas et conuentus dabunt annuatim vni perpetuo capellano diuina celebranti in ecclesia cathedrali de Aberden sex marcas sterlingorum ad terminos supradictos qui quidem capellanus per decanum et capitulum Aberdonensem elegetur et admittetur et cui capellano dici abbas et conuentus habitum honestum quo vtatur in choro quotiens opus fuerit rationabiliter exhibebunt et domum pro man fione capellano sic intranti primo construi facient quam cappellanus qui pro tempore fuerit suis sumptibus sustentabit Et ad hec omnia fideliter obseruanda dominus Alanus tunc abbas de Cupro et eiusdem loci conuentus obligarunt pro se et suis successoribus omnia bona sua vbicunque infra dyoecesem Aberdonensem fuerint inuenta per omnimodam censuram ecclesiasticam fore distringenda et precipue omnes fructus ecclesie de Alueth supradicte nullo pro ponendo obstante In cuius rei testimonium dictus dominus Alanus tunc abbas de Cupro cum consensu totius conuentus sui commune sigillum monasterij sui presentibus apposuit apud Aberdon anno et die supradictis