Charter Document - 07210035

Omnibus hoc scriptum visuris vel audituris Alecia dicta Chapelane filia quondam Adam Chapelane burgensis de Aberden salutem in Domino sempiternam Noueritis me causa vrgentissime paupertatis et necessitatis vendidisse et causa venditionis renuntiasse et penitus quiete clamasse nec non et hac presenti carta mea venditionis confirmasse domino Henrico Martini Aberdonensis ecclesie cancellario medietatem crofti illius quod vocatur Spyttalhillis iacentis in territorio burgi de Aberden que quondam fuit Rogeri filii Adam me contingentem hereditarie ratione Helene matris mee pro quadam summa pecunie numerate sterlingorum quam idem dominus Henricus mihi tempore confectionis presentis scripti in mea magna necessitate plenaria et totaliter pacauit de qua dominum Henricum et omnes suos tenore presentium voco quietos et penitus absolutos Tenendam et habendam dicto domino Henrico et heredibus suis et assignatis libere quiete plenaria honorifice bene et in pace sine aliquo retine mento mei et heredum meorum reddendo inde annuatim domino Regi duodecim denarios argenteos ad terminos consuetos pro omnibus que de dicto crofto exigi poterunt inperpetuum Ego vero dicta Alicia et heredes mei et mei assignati medietatem dicti crofti mei cum omnibus pertinentiis libertatibus et aisyamentis suis ad dictam medietatem crofti pertinentibus et de iure pertinere valentibus cum longitudine et latitudine sua debitis dicto domino Henrico et heredibus suis et assignatis contra omnes homines et feminas pro dicta pecunie summa mihi soluta warantizabimus et defendemus inperpetuum In cuius rei testimonium presenti scripto sigillum meum et ad instantiam meam sygillum Ysaac clerici Thome Reginaldi Rogeri dicti Douer et Andree dicti Ruffell tunc balliuorum de Aberden gratia testimonii sunt appensa Datum apud Aberden die lune in crastino dominice qua cantatur letare Jerusalem anno Domini MCCC decimo Testibus Duncano de Malauill tunc aldermanno Willelmo Duncani Dauid Ruffell burgensibus de Aberden et aliis multis