Charter Document - 07210034

Vniuersis presentes literas inspecturis Duncanus filius et heres Helene filie quondam Adam de Rane dudum domini de Ledyntoscach et Rothmase in le Garuiach salutem in Domino Nouerit vniuersitas vestra me non vi seu metu cuiusquam coactum nec dolo seu fraude inductum set mea spontanea voluntate concessisse ac precise vendidisse nec non omnino et inperpetuum pro me et heredibus meis quibuscunque quietam clamasse et hac presenti carta mea confirmasse Henrico de Sancto Michaele heredibus suis et assignatis totam terram meam de Ledyntoscach et Rotmase in le Garuiach cum omnibus iustis pertinentiis suis vna cum omni jure quod habeo seu ego vel heredes mei habituri sumus inperpetuum in terris supradictis pro quadam summa pecunie quam predictus Henricus in mea urgente necessitate et gravi paupertate ad sustentationem vite mee et ad debita mea adequitandi in quibus erga plures tempore confectionis presentis carte extiti oneratus in pecunia numerata plenaria et fideliter persoluit Tenendam et habendam dico Henrico heredibus suis et assignatis de reuerendo in Christo patre domino episcopo Aberdonensi qui pro tempore fuerit et eius capitulo per suas rectas metas et diuisas in bosco et plano in pratis et pascuis in moris et mariscis in stagnis et molendinis et cum omnibus aliis iustis pertinentiis suis et aysiamentis ad dictam terram spectantibus seu quoquo iure spectare valentibus in futurum adeo libere et quiete plenaria et honorifice bene et in pace sicut aliqui predecessorum meorum de prefatis episcopis Aberdonensibus dictam terram cum suis pertinentiis aliquo tempore tenuerunt seu possederunt Reddendo inde annuatim ipse heredes sui vel assignati domino episcopo Aberdonensi qui pro tempore fuerit seruitium inde debitum et de iure consuetum pro omni alio seruitio seculari exactione seu demanda Et si contingat me heredes meos vel executores contra predictas concessionem venditionem ac presentis carte confirmationem aliquo tempore verbo vel facto venire aut contradicere quod absit obligo me heredes meos et executores nostros quoscunque ac omnia bona nostra mobilia et immobilia ecclesiastica quam mundana vbicunque fuerint inuenta in centum solidis sterlingorum fabrice ecclesie Aberdonensis nomine pene totiens persoluendis quotiens ego heredes mei vel executores contra prefatas concessionem venditionem et carte confirmationem venire seu contra facere presumpserimus seu presumpserit nostrorum aliquis vna cum dampnis jactaturis interesse et expensis que vel quas dictus Henricus vel heredes vel sui assignati in defectu mei heredum meorum seu executorum ob causam dictarum concessionis venditionis et carte confirmationis aliquomodo sustinuerit aut sustinuerint que dampna jactaturis interesse et expensas promitto fideliter pro me heredibus meis et meis executoribus me ipsosque fide media firmiter obligando iuramento nostro solemniter prestando dicto Henrico et heredibus suis ante omnem litis ingressum refundere et de eisdem plenaria satisfacere sua heredumque suorum simplici assertione nos subii ciens quoad omnia et singula supradicta fideliter obseruanda iuris dictioni et cohertione venerabilis patris in Christo domini episcopi Aberdonensis eius archidiaconi vel eorum officialis qui pro tempore fuerint ut possint me heredes meos et executores per omnimodam censuram ecclesiasticam ad integram et plenarium et fidelem obseruationem omnium premissorum in suis singulis articulis stricte et de plano compellere finaliter renuncians pro me et heredibus meis et executoribus in perpetuum quantum ad premissa et singula premissorum exceptioni doli mali in factum actioni specialiter literis apostolicis et prohibitionibus regiis vel quacunque forma verborum impetratis seu impetrandis ac omni iuris et facti remedio tam canonici quam ciuilis nec non et omnimodis exceptionibus ac defencionibus que mihi heredibus meis vel executoribus prodesse poterint et dicto Henrico heredibusque suis in aliquo obesse insu turum super premissis vel aliquo premissorum In cuius rei testimonium presenti scripto sigillum meum apposui et ad meam requisitionem specialem sigillum nobilis viri domini Roberti de Keth Marescalli Scotie et tunc vicecomitis de Aberden discretorum virorum magistri Thome de Salchop cancellarij Aberdonensis et officialis curie domini episcopi et domini Alani de Morauia tunc archidiaconi Aberdonensis presentibus pariter gratia testimonij apponi pro curaui Data apud Aberden die Lune proxima [] festum Gregorij Pape anno Domini millesimo CCC quarto