Charter Document - 07210032
| Charter Number: | 07210032 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 - 1296 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis ad quos presentes littere peruenerint Henricus miseratione diuina episcopus Aberdonensis salutem in Domino sempiternam Recolentes multiplicia beneficia que predecessores Adam de Pilmure predecessoribus nostris et ecclesie Aberdonensi suis temporibus fideliter et deuote fecerunt considerantes etiam quod quando pater eiusdem quondam Adam terram de Glak infra schiram de Dauyot accepit ad firmam noualis fuerat nec valuit tunc temporis ultra viginti solidos sterlingorum annuos et quod ad meliorandum dictam terram sua industria multum laborauit sumptibus non modicis preter alia dona multa que de suo largiter contulit et donauit multoties ad promouendum fabricam ecclesie nostre supradicte Ne igitur talia beneficia irremunerata remaneant noueritis nos de consensu et assensu capituli nostri super premissis beneficiis cum eodem capitulo nostro quam sepius habito tractatu solemni in recompensationem beneficiorum eorundem dedisse concessisse et carta nostra confirmasse dicto Adam de Pilmure dictam terram de Glak Tenendam et habendam inperpetuum sibi et heredibus suis ad feodi firmam cum suis pertinentiis libertatibus et aysiamentis atque rectis suis diuisis cum quibus Robertus quondam pater dicti Adam eandem terram melius tenuit et possedit Reddendo inde annuatim nobis et successoribus nostris viginti solidos sterlingorum ad duos anni terminos videlicet medietatem ad festum Pentecostes et aliam medietatem ad festum sancti Martini in hyeme et duas libras cere annuatim luminari beate Marie virginis pariter et faciendo commune auxilium quod alii liberi tenentes nostri pro tanta terra nobis faciunt et faciendo per annum ad curiam nostram tres sectas pro omni alio seruitio exactione seculari seu demanda nos vero et successores nostri predictam terram cum omnibus prenominatis sub forma prenominata prefato Adam et heredibus suis contra omnes homines et feminas inperpetuum warantizabimus et defendemus in omnibus iuribus suis pertinentiis libertatibus aysiamentis et diuisis supradictis In cuius rei testimonium sigillum nostrum autenticum sigillumque dicti capituli nostri presentibus litteris sunt appensa Hiis testibus Magistro Waltero de Blacwater cancellario Aberdonensi Magistro Johanne de Spaldyn Magistro Roberto de Glaflogy domino Farchardo Belcambe domino Hugone de Rossneto canonicis Aberdonensibus Michaele de Willelmo de Lassal Alexandro de Allyrdas Malcolmo de Balgovny Duncano Mersar burgensi de Aberdene et aliis