Charter Document - 07210029

Omnibus sancte matris ecclesie filiis ad quos presens scriptum peruenerit Alexander Cumyng comes de Buchane salutem eternam in Domino Noverit vniuersitas vestra nos de consilio venerabilis patris Hugone Dei gratia Abirdonensis episcopi Necnon et aliorum venerabilem patrum episcoporum regni Scotie domum elemosinariam apud Turrech in Buchane construxisse et nos diuine charitatis intuitu et pro salute anime domini Alexandri Dei gratia Regis Scottorum illustrissimi et suorum successorum Animeque nostre et omnium successorum nostrorum dedisse concessisse et hac presenti carta nostra confirmasse Deo et beate Marie et sancto Congano de Turrech dicteque domui et magistro capellanis et aliis pauperibus in dicta domo de Turreff Deo seruentibus et in perpetuum seruituris Totam terram de Cnookikuby Tenendam et habendam de nobis et nostris successoribus eidem magistro capellanis et aliis pauperibus jbidem Deo seruientibus et in perpetuum seruituris per has diuisas subscriptas scilicet inter dictam terram et Kinarmy ex parte australi sicut riuulus defendit in Parcok qui vocatur Putachi et sic sicut Parcok defendit in aquam de Douerne et sic per Douerne usque ad riuulum inter Achinfoight et Cnocky ex parte occidentali qui dicitur Cnockiburn et sic ascendendo per illum riuulum usque ad vadum in capite dicti riuuli nomine Hacraky et sic de illo vado per vnum siketum descendentem vsque ad vadum de Tulkillj et sic descendendo de illo riuulo vsque ad riuulum quarellj nomine Sulhok et sic redeundo ab illo riuulo usque ad lapides stantes in diuisis inter Colpie et Kakukj et sic redeundo per quendam collem vsque ad lapidem stantem de Balmalj et Cokukj et sic ab jllo lapide vsque ad viam Monachorum et sic per illam viam secundum diuisas factas per aratrum descendendo in via regali inter Kyneduart et Turrech et sic per illam viam descendendo vsque ad orientalem partem prati et sic descendendo vsque ad riuulum de Putachi adeo libere quiete integre plenaria et honorifice in pratis et pascuis in viis et semitis in stagnis et aquis in boscis et planis in feris et auibus jn moris et mariscis in piscariis et molendinis et bracinis et in omnibus aliis libertatibus rectitudinibus et aisiamentis edificiis fossis commoditatibus in eadem terra constructis vel aliquo tempore construendis sine aliquo retine mento sicut aliqua pura libera et perpetua elemosina ab aliquo comite barone vel procere in regno Scotie liberius quietius plenarium aut honorificentius tenetur aut possidetur Saluis nobis tamen et heredibus nostris in perpetuum his subscriptis articulis scilicet jure magistrum presentandi episcopo Abirdonensi qui pro tempore fuerit quotienscunque contigerit quod debeat presentari Et si contingat quod aliquis capellanus ibidem ordinatus vel institutus propter ejus excessum fuerit expulsis vel amotus liceat magistro domus dicte qui pro tempore fuerit per assensum nostrum et heredum nostrorum unum alium loco ipsius amoti eligere et electum admittere Volumus etiam et concedimus et confirmamus pro nobis et nostris successoribus quod dicti magister capellani ceterique pauperes in dicta domo seruientes et seruituri vt dictum est ab omni seculari seruitio exactione consuetudine demanda forinseco domini Regis seruitio vel auxilio nobis et nostris successoribus pertinentibus et de omnibus aliis que ratione dicte terre cum pertinentiis per nos et successores nostros ab eisdem magistro capellanis pauperibus necnon et hominibus eorum in dicta terra sua et possessionibus degentibus inperpetuum exigi poterint liberi sint et quieti Nos etenim ac successores nostri forinsecum domini Regis tam in auxilio quam in exercitu et in omnibus aliis de mandis secularibus per nos et successores nostros petitis vel petendis pro dictis magistro capellanis pauperibus et suis hominibus et pro predictis domo et terra acquietabimus et faciemus Sint etiam liberi in perpetuum de nobis et nostris successoribus ab omni custuma ab omni tol frithelagio vel cariagio Et volumus et concedimus pro nobis et nostris successoribus quod si aliquis hominum dictorum magistri capellanorum et pauperum infra dictam terram suam manentium in aliquo casu infra predictam terram suam deliquerit propter quod delictum delinquens vitam et membrum secundum legem debeat amittere quod persona delinquentis in terra nostra et heredum nostrorum de Buchane de suo delicto iudicetur et escaetum omnium bonorum delinquentis iudicati qualecunque fuerit eidem domui magistro capellanis et pauperibus integre remaneat et seruetur faluis dictis domui magistro capellanis et pauperibus in perpetuum de nobis et nostris successoribus tractu sanguinis marcetis et omnibus aliis querelis et foris factis simplicibus nisi sit quod dicti magister capellani pauperes vel eorum homines infra dictam elemosinam aliquem publicum et manifestum malefactorem retineant tunc volumus quod ille publicus malefactor secundum legem regni in terra no patiatur Dedimus etiam et concessimus et hac presenti carta nostra confirmavimus in honorem Dei omnipotentis et sanctissime matris sue sancti Congani memorati et omnium sanctorum ad majorem salutem anime dicti Regis suorumque successorum et anime nostre nostrorumque successorum animarum dictis domui magistro capellanis et pauperibus de consilio et consensu dicti patris H Abirdonensis episcopi quicquid iuris in ecclesia de Turreff habuimus ad hec vt predicti magister capellani et pauperes ad eorum sustentationem in perpetuum in proprios vsus dictam ecclesiam de Turreff teneant et possideant cum terra supradicta Ordinauimus etiam de consilio predicti venerabilis patris et aliorum peritorum quod in dicta domo de Turreff elemosinaria sit vnus magister qui a nobis et successoribus nostris predicto episcopo et eius successoribus successiue prefentetur qui admissus ab eodem episcopo vel successiue ab suis successoribus plenam et liberam administrationem dicte domus de Turreff cum omnibus iuribus pertinentiis et libertatibus superius nominatis habeat et teneat in perpetuum Ordinavimus etiam de consensu episcopi nominati quod predictus magister de bonis prenominatis dicte domus et in posterum dicte domui succedentibus sustinebit et habebit sex capellanos in dictis domo et ecclesia Deo seruientes et in dicta ecclesia diuina celebrantes qui per predictum magistrum debent eligi et prouideri Ordinauimus etiam quod predictus magister de bonis predicte domus ut dictum est sustineat in eadem domo tredecim pauperes quos eidem presentabimus ex pauperibus husbandis de Buchane quibus dictus magister prouidebit domum competentem et victualia necessaria Et si contingat quod vnus vel plures predictorum pauperum cedant vel discedant quod nos et successores nostri loco ipsius vel eorum predicto magistro alium vel alios presentabimus Et si contingat quod nos vel heredes nostri extra regnum fuerimus eo tempore quo aliquis capellanorum vel pauperum predictorum discedat vel recedat vel quod heredes nostri vel successores aliquo tempore fuerint in vardia volumus quod magister dicte domus qui pro tempore fuerit in periculum anime sue alium ydoneum tam capellanum quam pauperem loco ipsius mortui vel amoti eligat et admittat Insuper per ordinatum est ex consilio predicti episcopi quod predicti magister et capellani habitum habeant canonicorum secularium quo simul utantur in dicta ecclesia singulis diebus et quod omnes simul tanquam de bonis eiusdem domus communiter in eadem domo et vna comedant et bibant et in uno dormitoria cubant dicti capellani nisi infirmitas vel alia necessaria causa superueniat vel per magistrum domus dicte eis alio modo prouideatur Et dedimus et concessimus dicte domui de Turrech magistro capellanis et pauperibus in eadem domo Deo seruientibus pro decimis castri nostri de Kennedor duas celdras farine et tres celdras brafei de constabulario nostro eiusdem castri qui pro tempore fuerit annuatim receptur [recipiendas] medietatem scilicet ad pentecosten et aliam medietatem ad festum sancti Martini in hyeme Et ut hec firma et rata et inconcussa permaneant supponimus nos et successores nostros iurisdictioni episcopi Abirdonensis qui pro tempore fuerit quod possit nos vel successores nostros ad omnia et singula supradicta obseruanda per censuram ecclesiasticam cohercere si contingat quod absit quod nos vel aliquis successorum nostrorum a supradictis resilire temptemus salvo iure episcopali in omnibus et per omnia Nos autem et successores nostri predictam terram cum omnibus suis pertinentiis libertatibus et aysiamentis et rectitudinibus et per nominatas diuisas suas ut predictum est contra omnes homines et feminas vorandis abimus et defendemus In cuius rei testimonium presenti carte nostre sigillum nostrum apponi fecimus Datum apud Kolli dominica proxima post purificationem beate Marie Virginis anno gratie millesimo ducentesimo septuagesimo secundo Hiis testibus illustri principe supradicto domino Willelmo comite de Mar domino Alano hostiario dominis Reginaldo le Chen patre et filio domino Andree de Garuiach domino Philippo Melgedrum domino Joanne de Maleuill domino Ferguss Cumin fratre nostro domino Willelmo de Melgedrum Waltero Lippre Waltero rectore ecclesie de Fouerne Roberto de Leslie rectore ecclesie de Slanis Rogero dicto Pater noster scriptore dicte carte et multis aliis