Charter Document - 07210026
| Charter Number: | 07210026 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1266 |
| Date type: | Internal, A.D., Episcopal, Feast |
| Resource Link(s): |
People of Medieval Scotland |
Charter:
Omnibus sancte matris ecclesie filiis presens scriptum visuris vel audituris Ricardus miseratione diuina ecclesie Aberdonensis minister humilis salutem eternam in Domino Nouerit vniuersitas vestra quod cum anno Domini M ducentesimo sexagesimo sexto in festo sancti Bartholomei pontificatus nostri anno nono in capitulo nostro Aberdonensi presentibus decano precentore et quibusdam canonicis aliis quibusdam per procuratores comparentibus ordinationem et statuta ecclesie nostre a predecessoribus nostris edita inspexisse mus et diligenter examinasse mus attendentes aliqua in predicta ordinatione fuisse obscura que animos audientium ad dubitandum ubi fortassis non esset hesitandum possent excitare ac quedam alia minus plenaria fuisse prouisa et ordinata vt in capitulo illo de officio thesaurarij patet quod de sumptibus solius decani quod eidem esset onerosum plura debuerunt in predicta ecclesia per thesaurarium sustentari Nos omnem dubitationem resecare volentes ac illa que minus plene fuerant prouisa et ordinata salubriter prouidendo ad implere irrefragabili constitutione declarando Statuimus et ordina mus de consensu decani et capituli supradicti quod ecclesia beate Marie et beati Machorij vna fit ecclesia et cathedralis baptismalis et parochialis libera ab omni exactione temporali Ita videlicet quod principale altare presbiterium chorus capitulum et thesauraria campanile et campane spectent in omnibus et per omnia ad vsus dispositionem et ordinationem decani et canonicorum communiter qui de luminari honesto et sufficienti nec non et de ornamentis libris ceterisque necessariis omnibus providebunt ad quorum sustentationem assignamus de consensu decani et capituli omnes obuentiones oblationes gratuitas et legata gratuita ad predictam ecclesiam et altare principale vndecunque et per quemcunque prouenientia saluis predicto decano omnimodis obuentionibus et aliis oblationibus et legatis a parochianis suis tam de jure quam de consuetudine ratione parochie debitis quibus extra chorum presbiterium capitulum thesaurarium per capellanum ydoneum et clericum ad aliquod altare in ecclesia diuina officia ministrabit horis debitis absque impedimento seruicij chori ad hoc deputandis In cujus rei testimonium presenti scripto sigillum nostrum vna cum sigillo com muni capituli nostri est appensum Datum et actum die et anno predictis