Charter Document - 07210024

Anno Domini millesimo CCL nono die Sancti Petri ad vincula Cum esset orta contentio inter venerabilem patrem Ricardum Dei gratia episcopum Aberdonensem et eiusdem loci capitulum ex parte vna et religiosos viros Thomam eadem gratia abbatem de Lundoris et eiusdem loci conuentum ex altera super quadam terra que dicebatur threpland inter terram de Bondyngton que est dicti episcopi et terram de Newton que est dictorum abbatis et conuentus et incipit ad uadum Geythyn quod est ex parte occidentali de Bondyngton et extendit se ab eodem vado per eundem riuulum de Gethyn versus boream usque in quendam magnum siccum qui dicitur Fulleche et per eundem siccum ascendendo versus occidentem usque ad quendam pontem qui est vltra eundem siccum versus Neutoun et sic defendit ab eodem ponte per eundem siccum in circuitu vsque in predictum vadum de Gethyn Tandem mediantibus probis hominibus huius modi controversia pro bono pacis et vtriusque ecclesie vtilitate in hunc modum conquieuit videlicet quod eadem terra partita fuerit inter partes per medium et per certas diuisas eodem die factas parte orientali penes dictum Episcopum et capitulum pro parte sua remanente et parte occidentali penes dictos Abbatem et conuentum pro eorum parte remanente ita videlicet quod quilibet eorum de sua parte faciat in perpetuum quod sibi melius viderit expedire In cuius rei testimonium vni parti istius scripti in modum chirograffi confecti residenti penes dictum Abbatem et conuentum appensa sunt sigilla dicti Episcopi et capituli et alteri parti remanenti penes eundem Episcopum et capitulum sigilla dictorum Abbatis et conuentus sunt apposita Testibus domino Galfrido archidiacono et magistris Waltero de Baltrodyn Rogero de Dereby et domino Ricardo vicario de Aberden canonicis Aberdonie Alexandro de Rewburg Roberto Ruffel et Willelmo senescallo dictorum abbatis et conuentus et aliis