Charter Document - 07210019
| Charter Number: | 07210019 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1247 - 1256 |
| Date type: | Assigned |
| Resource Link(s): |
People of Medieval Scotland |
Charter:
Hec est conuentio facta inter venerabilem patrem episcopum Aberdonensem ex parte vna et dominum Alanum hostiarium justiciarium Scotie ex altera Videlicet quod dictus dominus Alanus hostiarius dedit et concessit Deo et ecclesie beate Marie et sancti Machorij de Aberdon et episcopo Petro eiusque successoribus viginti duos solidos sterlingorum legalium de terra sua de Schiene ad duos terminos inperpetuum percipiendos medietatem videlicet ad Penthecosten et aliam medietatem ad festum sancti Martini in yeme pro decimis de Onele quas sui antecessores Episcopi ex collatione illustris regis Dauid et regum successorum eiusdem actenus percipere debuerunt quas quidem decimas predictus Petrus episcopus prefato Alano hostiario et heredibus suis pro dictis xxij solidis annuatim soluendis inperpetuum dimisit et quiete clamauit Ita tamen quod dicta terra de Schen pro prefata quantitate pecunie dictis terminis soluenda Episcopo Aberdonensi qui pro tempore fuerit in perpetuum remaneat obligata In cujus rei testimonium parti hujus scripture in modum chirograffi confecte penes dictum dominum Alanum remanenti sigillum dici domini Episcopi vna cum sigillo capituli ecclesie sue Aberdonensis est appositum alteri vero parti penes dominum Episcopum residenti sigillum prefati domini Alani est appensum Hiis testibus domino Willelmo de Brechyne Waltero Byset Colmero Colino hostiario Johanne de vallibus Gregorio de maleuile R Flandrensi magistro W officiali Aberdonensi domino Gilberto de Strivelyng et Hugone de Bennam canonicis ecclesie Aberdonensis et alijs