Charter Document - 07210018
| Charter Number: | 07210018 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1239 - 1241 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus has litteras visuris vel audituris Dunecanus comes de Mar eternam in Domino salutem Noverit vniuersitas vestra me diuine caritatis intuitu dedisse concessisse et hac presenti carta mea confirmasse Deo et ecclesie sancte Marie et sancti Machorij de Abbirdon et canonicis ibidem Deo seruientibus ad ampliationem diuini cultus et ad communam dictorum canonicorum ampliandam et ad sustentationem vnius capellani quem dicti canonici inuenient ad celebrandum perpetuo pro anima mea et antecessorum meorum sponse mee et heredum meorum in dicta ecclesia sancte Marie ubi volui et legaui corpus meum sepeliendum inter venerabiles patres nostros episcopos ibidem sepultos ecclesiam de Logyrothman in Mar in puram et perpetuam elemosinam cum una acra terre iuxta ecclesiam cum omnibus iustis pertinentiis suis Quare volumus ut predicta ecclesia beate Marie de Abbirdon et predicti canonici predictam ecclesiam de Logyrothman habeant et possideant adeo libere quiete plenaria et honorifice sicut aliqua ecclesia in dioecesi Abbirdonensi liberius quietius plenarium et honorificentius ex dono alicuius comitis vel baronis habetur et possidetur Testibus domino Radulpho episcopo Abbirdonensi domino Waltero filio Alani senescallo et iusticiario Scotie domino Alano hostiario domino Gregorio de Malauilla magistro Ricardo officiali Abbirdonensi domino Stephano de Dereby canonico de Abbirdon domino Johanne de Seltre capellano domini episcopi Abbyrdonensis et aliis