Charter Document - 07210016
| Charter Number: | 07210016 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1240 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Christi fidelibus has litteras visuris vel audituris Radulphus permissione diuina ecclesie Abbirdonensis minister humilis salutem Nouerit uniuersitas vestra me caritatis affectu et zelo diuini cultus ampliandi ecclesias communie capituli Abbirdonensis collatas et de cetero conferendas ab omnimodis procurationibus et alijs exactionibus ad me et successores meos jure dioecesano vel quocunque modo alio pertinentibus vel pertinere valentibus in futurum liberas quietas inperpetuum clamasse et immunes vt canonici ibidem Deo et beate Marie seruientes et seruituri eo diligentius deseruiant et libentius resideant quo vberius et liberius bona ad communiam spectantia recipiant In hujus rei testimonium sigillo meo una cum subscriptionibus canonicorum presentem paginam roboraui apud canonicam de Abbirdon die vicesimo mensis Augusti anno Domini millesimo ducentesimo quadragesimo Ego Robertus decanus subscribo Ego Jordanus cantor subscribo Ego Willelmi thesaurarius subscribo Ego Johannes cancellarius subscribo Ego Willelmus canonicus subscribo Et ego Willelmus canonicus subscribo Ego Ricardus canonicus et officialis subscribo Ego Edwardus canonicus subscribo Ego Robertus canonicus subscribo Ego Gilbertus canonicus subscribo Ego Stephanus canonicus subscribo