Charter Document - 07210009
| Charter Number: | 07210009 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1190 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia rex Scottorum omnibus probis hominibus totius terre sue clericis et laicis salutem Sciant presentes et futuri me concessisse et hac carta mea confirmasse comiti Dauid fratri meo quietanciam decimarum et consuetudinum omnium quas ecclesia sancte Marie et episcopi de Aberdon habere solebant tempore regis Dauid aui mei et regis Malcolmi fratris mei et tempore meo in Garwyach et in Durnach et in Rothkes et Munkegyn et Fyntrach et Bourdyn quam scilicet quietanciam Matheus episcopus ei fecit de se et de successoribus suis in perpetuum pro duabus carucatas terre mensuratis in Kelalemund propinquioribus terre sue illis vicine Quare volo et precipio ut prefatus comes Dauid frater meus et heredes sui habeant hanc prefatam quietanciam decimarum et consuetudinum de terris prenominatis de ecclesia et de Matheo episcopo Aberdonensi et de successoribus suis episcopis in perpetuum ita libere et quiete plenaria et honorifice sicut carta prefati episcopi testatur Testibus Jocelinus episcopo Glasguensi Arnoldus abbate Rieuallensi Renierus abbate de Melros Hugone abbate de Newbotyl comite Duncano comite Gilberto Ricardo de prebenda clerico meo Willelmo de Lyndesay Alanus dapifero meo Willelmo de Moreuill Malcolmo filio comitis Duncani Waltero de Berkelei camerario apud Edynburch