Charter Document - 07202001
| Charter Number: | 07202001 |
|---|---|
| Cartulary Title: | The History and Antiquities of the Parish of Hemingbrough in the County of York |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1072 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus Sancti Amen Ego Willelmus rex Anglorum hereditario jure factus do et concedo et presenti carta confirmo Deo et Sancto Cuthberto et Priori et monachis ibidem Deo servituris in perpetuam et puram elemosinam hoc regium manerium meum videlicet villam de Hemmyngburgh cum omni terra de Brachenholm et cum omnibus terris adjacentibus cum ecclesia ville predicte et cunctis rebus eidem pertinentibus in bosco et plano moris ac prato silvis et paludibus aquis molendinis ac stagnis cum merc et mere et sac et socne et tol et team et infangenthef et omnibus rectis divisis ejus ita bene et quiete et libere cum rectitudinibus et omnibus consuetudinibus sicut unquam Sanctus Cuthbertus alias terras suas melius et quietius habuit cum omnibus consuetudinibus regiis et libertatibus quas ego habui in ipso dum illud post victoriam Anglie in manu propria tenui per easdem divisas quas ego ipse seu ante me comites Tostius vel Siwardus ipsum manerium tenuimus Quod si quis in posterum hanc donacionem meam irritare presumpserit a Domini consorcio separetur et condemnacione extremi judicii cum diabolo et angelis ejus in perpetuum feriatur Amen Et ut hec donacio mea firma sit in perpetuum manu propria presentem cartam signo sancte crucis impressi et confirmavi Signum Willelmi Regis Anglie Signum Thome Eboracensis Archiepiscopi Signum Willelmi Dunelmensis Episcopi Signum Johannis Bathoniensis Episcopi Signum Osmundi Salesberiensis Episcopi Signum Baldewini Abbatis Sancti Eadmundi Signum Widonis Abbatis Signum Willelmi filii regis Signum Roberti Comitis Northymbrie Signum Hugonis Comitis de Cestre Signum Rogerii Comitis Scrobesberiensis Signum Arnoldi de Perceio Signum Ricardi de Curceio Signum Philippi filii Comitis de Cestre Signum Morealis Vicecomitis Signum Philippi filii Rogerii Comitis Signum Rodberti dispensatoris Signum Rodberti de Redveris Signum Rodberti Bloet Signum Alani de Licoma Signum Ricardi Abundvilla Signum Rodberti de Hulmets Signum Rodberti capellani Signum Rannulfi clerici regis Signum Mauricii capellani