Charter Document - 07190023
| Charter Number: | 07190023 |
|---|---|
| Cartulary Title: | Chronica Regvm Manniae et Insularvm; The Chronicle of Man and the Sudreys. Volume 2. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1253 |
| Date type: | Internal, Calendar, Papal |
| Resource Link(s): |
People of Medieval Scotland TELMA - Aposcripta |
Charter:
Innocentius episcopus servus servorum dei dilectis filiis capitulo ecclesie Sodorensis salutem et apostolicam benedictionem Rationis oculis intuentes comoda que vacantibus ecclesiis de salubri provisione proveniunt reddimur corde solliciti ut circa provisionem hujusmodi faciendum fructuose attentionis studium habeatur Sane Sodorensi ecclesia pastoris solatio destituta venerabilis frater noster Serlo Nidrosiensis archiepiscopus loci metropolitanus de mandato nostro Richardum tunc capellanum dilecti filii nostri Johannis titulari sancti Laurentii in Lucina presbyteri Cardinalis Canonicum Sancti Andree in Scotia cui testimonium perhibetur quod sit in spiritualibus et temporalibus circumspectus prefecit eidem ecclesie in episcopum et pastorem ac ei apud sedem apostolicam munus consecrationis impendit Rogamus itaque universitatem vestram et hortamur attente per apostolica vobis scripta mandantes quatenus eundem episcopum ad ipsius ecclesiam accedentem admittentes hilariter et honorifice pertractantes sibi tanquam patri et pastori animarum vestrarum impendatis obedientiam et reverentiam debitam ac ejus salubribus mandatis et monitis efficaciter intendatis alioquin sententiam [] Datum Perusii ii idibus Martii pontificatus nostri anno decimo