Charter Document - 07190016
| Charter Number: | 07190016 |
|---|---|
| Cartulary Title: | Chronica Regvm Manniae et Insularvm; The Chronicle of Man and the Sudreys. Volume 2. |
| Charter Language: | Latin |
| Charter Origin: | Royal |
| Charter Type(s): | Mandate |
| Date: | 1235 |
| Date type: | Internal, Calendar, Regnal |
| Resource Link(s): |
|
Charter:
Rex dilecto et fideli suo M filio Geroldi justiciario suo Hibernie salutem Sciatis nos dedisse et charta nostra confirmasse dilecto et fideli nostro Olavo Regi Mannie et Insularum pro homagio suo et servitio custodiendi ad custum suum costeram maris Anglie versus Hiberniam et versus insulam de Mannia et similiter costeram maris Hibernie versus Angliam et versus predictam insulam de Man ne damnum predictis terris nostris Anglie et Hibernie pro posse suo per mare in costeris illis possit evenire quadraginta marcas et centum crannocos frumenti et quinque dolia vini singulis annis percipienda in terra nostra Hibernie ad terminum Pasche per manus justitiarii nostri Hibernie quamdiu predictus Rex Mannie bene et fideliter nobis serviret predictas costeras custodiendo Et ideo vobis mandamus quod predictas quadraginta marcas et predictos centum crannocos frumenti et predicta quinque dolia vini singulis annis ei habere faciatis sicut predictum est incipientes primum terminum ad Pascha proximo venturum anno regni nostri xx In cujus rei testimonium has litteras nostras patentes vobis mittimus Teste Rege apud Westmonasterium undecimo die Julii