Charter Document - 07190012
| Charter Number: | 07190012 |
|---|---|
| Cartulary Title: | Chronica Regvm Manniae et Insularvm; The Chronicle of Man and the Sudreys. Volume 2. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1223 |
| Date type: | Internal, Calendar, Papal |
| Resource Link(s): |
People of Medieval Scotland Diplomatarium Norvegicum vii 9 |
Charter:
Honorius Episcopus [] Carissimo in Christo filio [] illustri Regi Mannie salutem [] Ad hec Rex regum et dominus dominantium Jesu Christus a quo tibi concessam temporalem debes recognoscere potestatem ad Regni te solium sublimavit ut ecclesias et loca religiosa per tuum Regnum existentia diligas et honores munificentie tue manum eis tam liberaliter quam hilariter porrigendo et alia in eis pietatis opera exhibendo Cum igitur sicut nostris est auribus intimatum quedam ecclesie Regni tui quarum omnium es patronus non habere terram liberam asserantur Serenitatem tuam rogamus monemus et hortamur attente quatenus cum indecens omnimodis videatur ut ecclesie memorate competenti dote penitus sint expertes ipsarum cuilibet saltem triginta passus terre juxta canonicas sanctiones in liberam eleemosynam extra cimiterium a parte qualibet earundem ad domos clericorum faciendas ibidem liberaliter largiaris ut eidem pro te teneantur dei misericordiam implorare ut semper sit ubicumque ambulaveris ipse tecum suamque tibi concedat gratiam in presenti et gloriam in futuro Datum Laterani xiii kalendas Februarii Pontificatus nostri anno septimo