Charter Document - 07190008
| Charter Number: | 07190008 |
|---|---|
| Cartulary Title: | Chronica Regvm Manniae et Insularvm; The Chronicle of Man and the Sudreys. Volume 2. |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1219 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Sanctissimo patri et domino H[onorio] dei gratia summo Pontifici Reginaldus Rex Insularum commendationem cum osculo pedum Noverit sancta paternitas vestra quod nos ut participes simus bonorum que sunt in ecclesia Romana ad monitionem et exhortationem dilecti patris domini Pandulfus Norwicensis Electi camerarii et legati vestri dedimus et obtulimus ei nomine ecclesie Romane et vestro et catholicorum successorum vestrorum Insulam nostram de Man que ad nos jure hereditario pertinet et de qua nulli tenemur aliquod servitium facere et deinceps nos et heredes nostri in perpetuum tenebimus in feodum dictam Insulam ab ecclesia Romana et faciemus ei per hoc homagium et fidelitatem et in recognitionem dominii nomine census nos et heredes nostri in perpetuum annuatim solvemus ecclesie Romane duodecim marcas sterlingorum in Anglie apud Abbatiam de Furnis Cisterciensis ordinis in feste Purificationis Beate Marie Et si non esset ibi aliquis ex parte vestra vel successorum vestrorum deponentur dicte duodecim marce per nos et heredes nostros penes abbatem et conventum ecclesie Romane nomine Hanc donationem et oblationem dictus dominus legatus recepit ad voluntatem et beneplacitum vestrum et post receptionem factam ab eo sic ipse dominus legatus dictam Insulam dedit mihi et heredibus meis in feodum perpetuo possidendam et tenendam nomine ecclesie Romane et me inde per anulum aureum investivit [Sciat igitur paternitas vestra quod ad mandatum dicti legati juravi observare et tenere inviolabiliter predicta pro me et heredibus meis perpetuo Et juravi quod super hoc securitatem faciam per meipsum et heredes meos et homines Insule quam dictus legatus vel alius de mandato vestro petierit a me bona fide et sine fraude et in hujus rei testimonium has litteras patentes fieri fecimus His testibus Cadwogan Bangorensi Episcopo de Wallia officiali de Man Johanne clerico Ivone filio Hollwed Magistro Ivone Holano Senescallo domini Regis de Man Supplicamus autem sanctitati vestre quod privilegium illud et petitionem quam aliis Regibus censualibus et vassallis ecclesie Romane conceditis nobis mittat sanctitas vestra Nos enim parati sumus omnia predicta secundum mandatura vestrum servare Interfuerunt autem huic nostre donationi de familia domini legati Magister Petrus de Collemedio domini pape capellanus Magister Ardingus Papiensis ejusdem domini subdiaconus Magister Petrus de Babutio Magister Jacobus scriptor domini pape presbyter Lucas de Wytsando domini legati capellanus Pandulfus nepos ipsius domini legati thesaurarius Cicestrensis Magister Johannes de Venafro Stephanus nepos domini Stephani Basilice duodecim apostolorum presbyteri Cardinalis Martinus Cicestrensis senescallus domini legati Contradus clericus domini Gregorii de Crescentio sancti Theodori diaconi Cardinalis Rusticus et Johannes de Londono scriptores domini] Actum Londini in domo militie Templi x Kalendas Octobris anno domini MCCXIX Et ne super iis aliquando possit dubitari has litteras fieri fecimus et sigillo nostro muniri