Charter Document - 07180064
| Charter Number: | 07180064 |
|---|---|
| Cartulary Title: | Monumenta de Insula Manniae; or A collection of national documents relating to the Isle of Man. Volume 2. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1307 |
| Date type: | Assigned |
| Resource Link(s): |
|
Charter:
Rex vicecomiti Northumbr salutem Quia per inspectionem rotulorum et aliorum memorandorum que coram consilio nostro scrutari et diligenter examinari fecimus nobis constat quod plures de antecessoribus nostris quondam Reges Anglie de terra de Man seisiti fuerunt ut de jure suo Et quod nos similiter seisiti fuimus de eadem [exitus et proficua inde percipienda] quousque nos de gratia nostra speciali seisinam terre illius talem videlicet qualem Alexander quondam Rex Scotie habuit de eadem Johanni Balliolo nuper Regi Scotie salvo semper jure nostro et heredum nostrorum fecimus liberari Tibi precipimus quod scire facias venerabili patri Antonio Dunelmensi episcopo qui predictam terram modo tenet ut dicitur per duos liberos et legales homines de balliva tua quod sit coram nobis a die sancti Michaelis in xv dies ubicumque [] Ostensurus si quid pro se habeat vel dicere sciat quare terram illam in manum nostram ut jus nostrum resumere minime debeamus Et habeas ibi nomina illorum per quos prefato episcopo scire feceris et hoc breve Teste Rege apud Caldecotes xxviii die Junii