Charter Document - 07180039
| Charter Number: | 07180039 |
|---|---|
| Cartulary Title: | Monumenta de Insula Manniae; or A collection of national documents relating to the Isle of Man. Volume 2. |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1246 |
| Date type: | Internal, Feast, Regnal |
| Resource Link(s): |
People of Medieval Scotland |
Charter:
Omnibus Christi fidelibus presens scriptum uisuris uel audituris Haraldus dei gracia rex Mannie et Insularum salutem in domino Quoniam teste Salomone risus dolore miscebitur et extrema gaudii luctus occupabit ut saluti mee consulam et bonorum retributorem propicium domini habeam concedo dono et hac presenti carta mea confirmo pro salute anime mee et omnium antecessorum et successorum meorum in liberam puram et perpetuam elemosinam deo et beate Marie de Furnes et abbati et monachis ibidem deo seruientibus usum cuiuslibet generis mineriarum que inueniri poterunt infra totam terram meam subtus terram uel supra cum libero transitu ubique per totam terram meam sine impedimento mei uel heredum meorum seu hominum meorum ad faciendum inde omnimodum commodum suum pro libito suo sicut melius sibi uiderint expedire Dedi insuper eisdem monachis tam ad homines suos receptandos quam ad mineriam et cetera sua bona reponenda unum mesuagium in se continens tres acras terre in loco competenti apud Bakenaldwath ad burgagium faciendum Tenendum et habendum libere et quiete integre et plenaria cum omnibus pertinenciis sine omni seculari seruicio exactione et demanda Et si aliquid emerint uel uendiderint in tota terra mea immunes erunt a tolneo et omni alia consuetudine Ego uero dictus Haraldus et heredes mei omnia predicta dictis abbati et conuentui de Furnes contra omnes homines warantizabimus acquietabimus et defendemus inperpetuum In cuius rei testimonium presenti scripto sigillum meum apposui Actum anno gracie millesimo ducentesimo quadragesimo sexto apud Furnes die Apostolorum Philippi et Jacobi Testibus domino Yuor de Mann magistro Thoma de Mann magistro Mauricio clerico domini regis de Mann Rogero de Stokes Simone de Boyuill et aliis qui interfuerunt Datum apud Sandscal anno regni nostri tercio in predicto festo apostolorum Philippi et Jacobi domino Willelmo de Midelton tunc abbate dilecto patre nostro existente