Charter Document - 07180038
| Charter Number: | 07180038 |
|---|---|
| Cartulary Title: | Monumenta de Insula Manniae; or A collection of national documents relating to the Isle of Man. Volume 2. |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1242 - 1249 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum uisuris vel audituris Harald dei gracia rex Mannie et Insularum salutem eternam in domino Justum est et omni iuri consentaneum ut piis uotis et honestis petencium postulacionibus regia auctoritas facilem prebeat assensum et precipue sancte religioni annuere quod a iuris tramite non recedit inde est quod domini abbatis Furnes et eiusdem loci conuentus piis precibus inclinati uniuersitati uestre significamus nos sub firma pace nostra et protectione recepisse naues dicti abbatis et monachorum et personas tam seculares quam religiosos et bona in predictis nauibus contenta tanquam bona nostra propria Rogantes quatinus cum per vos transierint ab omni molestia et grauamine protegatis scientes quod quicquid eisdem factum fuerit siue in bono siue in malo nobis fieri reputabimus et si a quoquam eis iniuriatum fuit quod absit tanquam iniuriam nostram propriam digna ulcione uindicabimus Valete