Charter Document - 07180027

Sanctissimo patri et domino Honorius dei gratia summo Pontifici Reginaldus Rex Insularum commendationem cum osculo pedum Noverit sancta paternitas vestra quod nos ut participes simus bonorum que fiunt in ecclesia Romana ad monitionem et exhortationem dilecti patris domini Pandulfus Norwicensis Electi Camerarii nostri et Legati vestri dedimus et obtulimus ei nomine et ecclesie Romane et vestro et Catholicorum successorum vestrorum Insulam nostram de Man que ad nos jure hereditario pertinet et de qua nulli tenemur aliquod servitium facere et deinceps nos et heredes nostri in perpetuum tenebimus in feodum dictam Insulam ab ecclesia Romana et faciemus ei per hoc homagium et fidelitatem et in recognitionem domini nomine cessus nos et heredes nostri in perpetuum annuatim solvemus ecclesie Romane duodecim marcas sterlingorum in Anglie apud Abbatiam de furnis Cisterciensis ordinis in festo Purificationis beate Marie Et si non esset ibi aliquis ex parte vestra vel successorum vestrorum deponentur dicte duodecim Marca per nos et heredes nostros penes Abbatem et Conventum ecclesie Romane nomine hane donationem et oblationem dictus dominus Legatus recepit ad voluntatem et beneplacitum vestrum et post receptionem factam ab eo sicut Ipse dominus Legatus dictam Insulam dedit mihi et heredibus meis in feudum perpetuo possidendam et tenendam nomine Ecclesie Romane et me inde per anulum aureum investivit Sciat igitur paternitas vestra quod ad mandatum dicti Legati juravi observare et teneri inviolabiliter predictam pro me et heredibus meis perpetuo et juravi quod super hoc securitatem faciam per me ipsum et heredes meos et homines Insule quam dictus Legatus vel alius de mandato vestro petierit a me bona fide et sine fraude Et in hujus rei testimonium has litteras patentes fieri fecimus hiis testibus Cadwgan Bangorensis Episcopo de Wallia [] officiali de [] Johanne Clerico Ivone filio Hollwed Magistro Ivone Holano Senescallo domini Regis de Man Supplicamus autem sanctitati vestre quod priviligium illud et petitionem quam aliis Regibus cense ratibus et Vassallis Ecclesie Romane conceditis nobis mittat sanctitas vestra Nos enim parati sumus omnia predicta secundum mandatum vestrum servare Inter fuerunt autem huic nostre donationi de familia domini Legati Magister Petrus de Collemede domini Pape Cappellanus Magister Ardingus papiensis ejusdem domini Subdiaconus Magister Petrus de Babut Magister Jacobus Scriptor domini Pape presbiter Lucas de Wijtsande domini Legati Cappellanus Pandulfus nepos ipsius domini Legati Thesaurarius Cicestrensis Magister Johannes de Venafro Stephanus nepos domini Stephani Basilice duodecim Apostolorum presbiteri Cardinalis Martinus Cicestrensis Senescallus domini Legati Contardus clericus domini Gregorii de Crescentio [] Sancti Theodori diaconus Cardinalis Rusticus et Johannes de London Scriptores domini Actum London in domo militie Templi x Kalendas Octobris Anno Domini MCCXIX Et ne super hiis aliquis possit dubitari has litteras fieri fecimus et sigillo nostro munivi