Charter Document - 07180004

Eugenius Episcopus servus servorum Dei dilectis filiis Johanni abbati sancte Marie de Furnesio ejusque fratribus tam presentibus quam futuris regularem vitam professis Effectum justa postulantibus indulgere et vigor equitatis et ordo exigit racionis Presertim quando petentium voluntatem et pietas adjuvat et veritas non relinquit Idcirco dilecti in domino filii vestris justis peticionibus benigno concurrentes assensu Ecclesiam beate Marie de Furnesio in qua divino mancipati estis obsequio sub beati Petri et nostra proteccione suscipimus et presentis scripti patrocinio communimus In primis siquidem statuentes ut ordo monasticus qui secundum Dei timorem et Cisterciencium fratrum observantiam ibi auctore Domino institutus esse dinoscitur perpetuis ibidem temporibus inviolabiliter observetur Preterea quascunque possessiones quecumque bona eadem ecclesia in presenciarum juste et canonice possidet aut in futurum concessione pontificum largicione regum vel principum oblacione fidelium vel aliis justis modis prestante Domino poterit adipisci firma vobis vestrisque successoribus et illibata permaneant In quibus hec propriis duximus vocabulis exprimenda Ex dono comitis Stephani totam forestam de Furnesio Wagneiam cum tota venacione Daltonam cum omni dominio ejus infra Furnesium et omnibus pertinenciis suis Olvestonam totam terram Rogeri Brithwaldi cum pertinenciis suis piscarias de Lancastria totam terram Guarini Parvi et quicquid inter Furnesium continetur preter terram Michaelis Flamengi Ex dono Roberti Bovill Kirksantan et Harrum cum pertinenciis suis Ex dono Willelmi nepotis nobilis viri David Regis Scotorum Caldram et molendinum in eodem loco Bermertonam et Flolegate cum pertinenciis suis In Scaddesbutles mansionem unam liberam et quietam Withofhd duas salinas piscariam de Derewent piscariam de Eggre et pasnagium porcis vestris per totam terram Ranulfi Mustini qui prius hec ecclesie vestre pia devocione concesserat Ex dono Godardi de Couplanda medietatem Fosse cum appendiciis suis Ex dono Michaelis Flamengi Fordebotle et ab eodem in escambium pro Berdeseia Criveltonam et Ros cum appendiciis suis In Mannia ex dono nobilis viri Olavi Regis Insularum terras de Carneclet usque ad monasterium sancti Leoc cum appendiciis suis villam Thore filii Asser villam Melan magni villam sancti Melii villam Narwe Stainredale cum appendiciis suis terram sancti Corebric et Fragerwl Sane laborum vestrorum quos propriis manibus aut sumptibus colitis sive de nutrimentis vestrorum animalium nullus a vobis presumat decimas exigere Decernimus ergo ut nullus omnino hominum liceat prefatam ecclesiam temere perturbare aut ejus possessiones auferre vel retinere minuere seu aliquibus vexacionibus fatigare sed incussa omnia et integra conserventur Eorum pro quorum gubernacione ac sustentacione concessa sunt usibus omnimodis profutura Siqua igitur in futurum ecclesiastica secularisve persona hanc nostre constitucionis paginam sciens contra eam temere venire temptaverit secundo tertione commonita misi presumpcionem suam congrua satisfaccione contexerit potestatis honorisque dignitate careat reamque se judicio divino existere de perpetrata iniquitate cognoscat et a sacratissimo corpore et sanguine Dei et Domini Redemptoris nostri Jesu Christi aliena fiat atque in extremo examine districte ulcioni subjaceat Cunctis autem eidem loco suam justiciam conservantibus sit pax Dei et Domini Redemptoris nostri Jesu Christi quatenus et hic fructum bone accionis percipiant et apud supremum judicem premia eterne pacis inveniant Amen Datum [] anno Domini MCL secundo Pontificatus vero Domini Eugenii pape tercii anno octavo