Charter Document - 07160002
| Charter Number: | 07160002 |
|---|---|
| Cartulary Title: | Plympton Priory: A House of Augustinian Canons in South-Western England in the late Middle Ages |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1305 |
| Date type: | Internal, Feast, Regnal |
| Resource Link(s): |
|
Charter:
Cum aliquando inter dominum Hugonem de Curtenay dominum de Plymptone ex parte una et religiosos viros Johannem Priorem de Plymptone et eiusdem loci conventum ex altera calumpnie agitarentur super quadam placia terre que vocatur Le Sablon que est in occidentali parte calcete qua itur de la Clapere ad ecclesiam Beate Marie de Plympton cuius placie tam predictus dominus Hugo quam predicti religiosi hinc inde vocabant proprietatem tandem inter ipsos conquieverunt in hac forma videlicet quod predicti prior et conventus pro se et suis successoribus remiserunt predicto Domino Hugoni et heredibus suis australem medietatem predicte placie inperpetuum secundum quod bunde facte inter ipsos in vigilia Penthecostes anno regni regis Edwardi tricesimo tercio testantur scilicet a dicta calceta linealiter versus occidentem usque ad metam que est in medio fluminis salvo predictis religiosis et eorum successoribus quod libere possint mundare chanellum de latitudine septem pedum aque que dicitur Langebroke quando voluerint ab eorum clauso quantum voluerint versus mare Et quod aqua de Coriz currat in transversum utriusque partis placie predicte sicut fecit die confectionis presencium usque ad mare Et predictus Dominus Hugo inspectis et intellectis munumentis predictorum religiosorum et eorum Jure et predicte placie possessione totum residuum predicte placie cum pertinentiis a predicta calceta usque ad terram de Wodeford pro se et heredibus suis predictis religiosis et eorum successoribus sicut ius ecclesie sue de Plympton quiete clamat et tenore presencium confirmat imperpetuum tenendum sine aliqua calumpnia vel demanda In cuius rei testimonium hiis mutuis scriptis alternatim sigilla sua apposuerunt Testibus Roberto abbate de Tavystok domino Stephano de Hackumbe Roberto Beaupeal Thoma de Cyrecestre Baldewyno le Bastard militibus Willelmo de Niweton Johanne de Colleham Willelmo de Kemel et aliis Datum [apud] Plympton die et anno predictis