Charter Document - 07160001
| Charter Number: | 07160001 |
|---|---|
| Cartulary Title: | Plympton Priory: A House of Augustinian Canons in South-Western England in the late Middle Ages |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1305 |
| Date type: | Internal, Calendar, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit frater Johannes Prior de Plimpton et eiusdem loci conventus salutem in Domino sempiternam Noveritis nos concessisse remisisse et omnino quietum clamasse Domino Hugoni de Curtenay advocacionem capelle de Bratlegh que est de feodo suo una cum terra adiacente et omnibus aliis pertinentiis suis habendam et tenendam sibi et heredibus suis advocationem predictam cum suis pertinentiis sine aliquo retene mento nobis vel successoribus nostris in perpetuum Remisimus etiam et quietum clamavimus eidem domino Hugoni et heredibus suis annuam pensionem trium solidorum quam de instituto in eadem capella percipere solebamus Concessimus et presenti scripto confirmavimus quod quandocumque et quoscienscumque capellam predictam vacare contigerit liceat predicto Hugoni et heredibus suis capellanum ad eandem capellam presentare absque impedimento vel reclamacione nostri vel successorum nostrorum in perpetuum In cuius rei testimonium presenti scripto sigillum nostrum commune apposuimus Datum apud Plimpton septimo die Junii anno regni regis Edwardi tricesimo tercio testibus Roberto abbate de Tavistok domini Stephano de Hackumbe Roberto Beaupeal Thoma de Cyrecestre militibus Helia Coffyn Johanne Cadye Roberto de Brodenymet et aliis