Charter Document - 07120220
| Charter Number: | 07120220 |
|---|---|
| Cartulary Title: | Textus Roffensis |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1143 |
| Date type: | Internal, A.D. |
| Resource Link(s): |
University of Manchester Medieval Collection - Textus Roffensis (p469) |
Charter:
Domno Ascelino Rofensi episcopo et Radulfo castellano et omnibus civibus Rouecestrie totique hundred de Scamele Ernulfus de Chielsfelda salutem Notum vobis sit quod ego Ernulfus et Agnes uxor mea et Symon primogenitus et heres meus et Helyas clericus et Hugo miles filii mei donationem quam Ernulfus de Strodes homo meus Sancto Andree et monachis de Rouecestria pro filio suo in ecclesia Rofensi ad monachatum suscepto dedit partem scilicet terre sue que Pinindene vocatur et terram illam quam in suo dominico habebat in alio loco qui vocatur Godricesdune liberam ab omni servicio et quietam eterno jure monachis ejusdem possidendam concessimus Quod si predictus Ernulfus aut aliquis heredum aut successorum ejus a solito quod michi de feudo suo debet servicio defecerit a reliqua quam de me tenet terra exigetur elemosina autem ab omni exactione et querela et calumnia libera permaneat Et hanc quidem concessionem pro salute anime mee et uxoris et liberorum et patris et matris mee bono et devoto animo feci et signo sancte crucis proprioque signavi sigillo Cujus rei testes sunt Sywardus presbyter Symon Hugo Elyas filii Ernulft et Agnes uxor sua Samson frater Ricardus nepos domini Adalulfus miles Willelmus dapifer Ernulfus dispensator Haimo Brito Ernulfus clericus Rainaldus secretarius Ricardus de Clouilla Elfuuinus Catere Rodbertus filius Bunde Godefridus nepos Goislani Robertus cognatus Clementis monachi et alii multi Anno ab incarnatione domini MCXLIII []