Charter Document - 07120207
| Charter Number: | 07120207 |
|---|---|
| Cartulary Title: | Textus Roffensis |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1077 - 1108 |
| Date type: | Assigned |
| Resource Link(s): |
University of Manchester Medieval Collection - Textus Roffensis (p434) |
Charter:
Gundulfus Rofensis episcopus Rodberto Lincoliensi episcopo et Goisfrido uicecomiti et omnibus fidelibus regis Francigenis et Anglis de comitatu de Bukingeham salutem Sciatis quod Gislebertus noster clericus de Hedenham concessit ecclesie Rofensi Sancti Andree tres hidas terre quas habuit in suo dominico in Hedenham ea conuentione quod quando ipse uoluerit fiet ibi monachus Et hoc idem concessit et confirmauit Radulfus filius suus ex toto Et ego concessi eidem Radulfo ecclesiam de Hedenham cum una hida et dimidia terre et duobus pratis Coiea et Cetemora et concessi ei pasturam decem boum et omnes consuetudines que ad eandem ecclesiam pertinent insuper quicquid Gislebertus tenuit in Hedenham exceptis illis tribus supradictis hidis terre Et de ipsa ecclesia non faciet ullum seruitium nisi quod ad ecclesiam pertinet tantum