Charter Document - 07120196
| Charter Number: | 07120196 |
|---|---|
| Cartulary Title: | Textus Roffensis |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1142 - 1161 |
| Date type: | Assigned |
| Resource Link(s): |
|
Charter:
Imarus Dei gracia Tusculanus episcopus apostolice sedis legatus omnibus matris ecclesie filiis ad quos littere iste pervenerint salutem Rei geste memoria litteris provide committitur ne lites semel sopite in futuro iterum instaurentur Proinde universitati vestre per presentie scripta notum esse volumus quod inter Ascelinum Rosensum episcopum et ejusdem loci monachos ecclesie scilicet beati Andree super jure maneriorum Lambetham et Hedenham controversia huiusmodi orta est Asserebant predicti monachi memorata maneria sibi ad victum proprium a rege Anglorum Willelmo juniore et Lamfranco pie recordationis Cantuariensi archiepiscopo et Gundulfo Rosensi episcopo concessa rationabiliter et donata et ad eiusdem rei evidentiorem probationem eorundem cartas et confirmationes et sequentium regum Anglorum Henrici et Stephani et Anselmi Cantur archiepiscopi in medium proferebant Contra que cum prefatus Ascelinus Rosensis episcopus nichil firmum nichil validum responderet nec se in pretaxatis maneriis jus habere probare posset assidentibus nobis venerabilibus fratribus Teobaldo Cantur arciepiscopo Rodberto Lund Hnerico Winton Alexandro Lincon Ibrardo Norwic Sifredo Cicestr episcopis Gaufrido Sancti Albani Gervasio Westmonasterii Petro Scireburn abbatibus et magistro Hilario et aliis quam pluribus religiosis personis ipsa maneria cum omnibus suis appenditiis secundum quod carte donationis et confirmationis continebant ipsis monachis adjudicamus et ipsos possessores constituimus ipso eorum episcopo promittente quod deinceps sine vexatione et inquietatione monachos bona et possessiones suas habere permitteret et pacem eis servaret quod et ipsi firmiter observare precipimus ad cuius rei argumentum ipsos monachos in osculo pacis recepit Nos itaque predictorum fratrum justis petitionibus facilem prebentes assensum tam sepe dicta maneria quam alia omnia eorum bona et possessiones quas in presentiarum juste possident vel in futuro legitime habituri sunt jura etiam consuetudines libertates rationabiliter indultas auctoritate officii quo fungimur ipsis confirmamus et presentis scripti attestatione roboramus